Declaración Universal de Derechos Llingüísticos

La Declaración Universal de Derechos Llingüísticos foi aprobada en Barcelona mientres la Conferencia Mundial de Derechos Llingüísticos, celebrada del 6 al 9 de xunu de 1996 por iniciativa del Comité de Traducciones y Derechos Llingüísticos del International PEN Club y el CIEMEN (Escarre International Center for Ethnic Minorities and the Nations), y que cuntó col sofitu moral y téunicu de la Unesco, la participación de 66 organizaciones non gubernamentales (ONG), 41 centros PEN y 41 espertos internacionales en xurisprudencia llingüística. L'oxetu principal de la Declaración ye promover los derechos llingüísticos, especialmente de los falantes de les llingües amenaciaes.

El testu de la Declaración foi presentáu énte'l representante del Direutor Xeneral de la UNESCO; considera la diversidá llingüística y cultural esistente nel mundu y refuga la homogeneización cultural forzada, reconoz derechos llingüísticos individuales (derechu a ser reconocíu miembru d'una comunidá llingüística, derechu al usu públicu y priváu d'una llingua,...) y derechos llingüísticos coleutivos (derechu a disponer de servicios culturales, derechu a la presencia equitativa de la llingua y la cultura nos medios de comunicación…).

Estructura y conteníos de la Declaración

La declaración consta d'un testu preliminar, un preámbulu y 52 artículos, estremaos en trés Títulos (unu preliminar y dos más):

• Títulu preliminar: Precisiones conceptuales (afita definiciones y conceutos; comunidá llingüística, grupu llingüísticu, rellación de integración,...)
• Títulu primeru: Principios xenerales (derechu de les comunidaes llingüístiques a entamase, a caltener y promover el so sistema llingüísticu; igualdá de les comunidaes llingüístiques en derechos,...)
• Títulu segundu: Réxime llingüísticu xeneral (estremáu en 5 seiciones):
  • Seición I: Alministración pública y muérganos oficiales.
  • Seición II: Educación.
  • Seición III: Onomástica.
  • Seición IV: Medios de comunicación y nueves teunoloxíes.
  • Seición V: Cultura.

Ver tamién

Declaración Universal de los Derechos Humanos Derechos humanos Oficina del Altu Comisionáu de les Naciones Xuníes pa los Derechos Humanos Carta Internacional de Derechos Humanos Derechos llingüísticos (Derechos humanos en materia llingüística) Protocolu Nᵘ12 a la Convención Europea de Derechos Humanos

Primer y Segundu Protocolos Facultativos del Pactu Internacional de Derechos Civiles y Políticos Protocolu Facultativu del Pactu Internacional de Derechos Económicos, Sociales y Culturales Declaración de los Derechos del Home y del Ciudadanu Atles interactivu Unesco de les llingües en peligru nel mundu

Enllaces esternos

• Declaración universal de derechos llingüísticos (enllaz rotu disponible n'Internet Archive; ver l'historial y la última versión).
• Universal Declaration of Linguistic Rights
• UNESCO: Declaración Universal de Derechos Llingüísticos