Declaración de los Derechos del Neñu

La Declaración de los derechos del neñu foi esbocexada por Eglantyne Jebb y adoutada pola International Save the Children Union, Xénova, el 23 de febreru en 1923 y sofitada pola Asamblea Xeneral de la Lliga de les Naciones el 26 de payares de 1924:

Per aciu d'esta declaración, denomada como Declaración de Xénova, homes y muyeres de toles naciones, reconocen que los neños son lo meyor que tien la humanidá, declaren y aceuten como deber de so, más llonxe de toa consideración de triba, nacionalidá o creu, que:

Al neñu tienen de dase-y los medios afayaízos pal so desendolcu normal, material ya espiritual.
El neñu famientu tien de ser alimentáu, el neñu amalicáu tien de ser curiáu, el maltratáu tien de ser protexíu, el neñu esplotáu tien de ser aidáu, y el neñu güérfanu y desdexáu tien de ser acoyíu.
El neñu tien de ser el primeru en recibir socorru en casu de llaceria.
El neñu tien de tener sofitu y proteición escontra toa mena d'esplotación.
El neñu tien de ser concienciáu de que'l so facer tien de tratar empobinase al serviciu de los sos semeyantes.

El documentu orixinal, nos archivos de la ciudá de Xénova, tien la robla de dellos delegaos internacionales, ente ellos Eglantyne Jebb, Janusz Korczak, y Gustave Ador, ex-presidente de la Confederación Suiza.

Referencies editar

United Nations Office of the High Commissioner for Human Rights (n'inglés)