Abrir el menú principal

René Descartes

(Redirixío dende Descartes)
Wikipedia:Wikipedia:Llista d'artículos que toa Wikipedia tien que tener/Archivu

René Descartes, nacíu en La Haye en Touraine (Indre et Loira, Francia; el llugar recibe güei el nome de Descartes nel so honor) el 31 de marzu de 1596 y muertu en Estocolmu (Suecia) el 11 de febreru de 1650, foi un filósofu, matemáticu y físicu francés. Magar que yera francés, pasó venti años (1629-1649) nes Provincies Xuníes tres de sirvir un tiempu nel exércitu de Mauriciu de Nassáu, príncipe d'Orange y cabezaleru d'esti país. Poro, ye consideráu ún de los principales representantes del nomáu Sieglu d'Oru neerlandés[1].

René DescartesPicto infobox character.png
Frans Hals - Portret van René Descartes.jpg
Vida
Nacimientu Descartes31  de marzu de 1596
Nacionalidá Bandera de Francia Francia
Llingua materna francés
Fallecimientu

Estocolmu y ciudad de Estocolmo Traducir11  de febreru de 1650

(53 años)
Sepultura abadía de Saint-Germain-des-Prés Traducir
Adolf Fredriks kyrkan Traducir
Causa de la muerte Neumonía
Familia
Padre Joachim Descartes
Casáu/ada con ensin valor
Fíos/es
Hermanos/es
Familia
Estudios
Estudios collège Henri-IV de La Flèche Traducir
Universidá de Leiden
Universidá d'Utrecht
Direutor/a de tesis Isaac Beeckman
Jacobus Golius Traducir
Llingües llatín
francés
Profesor/a de Gilles-François Boulduc
René Fédé
Oficiu
Oficiu filósofu, matemáticu, musicólogu, físicu, astrónomu, teóricu de la música, epistológrafo Traducir, mechanical automaton engineer Traducir y militar
Influyencies Platón, Aristóteles, Anselmo de Canterbury Traducir, Tomás d'Aquino, Guillelmu d'Ockham, Francisco Suárez y Marin Mersenne
Miembru de Academia Francesa de les Ciencies
Movimientu Racionalismu
Creencies
Relixón Ilesia Católica
IMDb nm1548818
Firma Descartes.svg
Cambiar los datos en Wikidata

La so obra Meditaciones metafísiques (1641) sigue siendo anguaño un testu de referencia na mayoría de los departamentos universitarios de filosofía. La so influyencia nel campu de les matemátiques ye igual d'importante: ye consideráu el pa de la xeometría analítica, que fae de ponte ente l'álxebra y la xeometría, que foi clave pal descubrimientu del cálculu ya l'análís infinitesimal. Descartes foi, tamién, una de les figures principales de la Revolución científica.

Descartes refugó aceptar l'autoridá de los filósofos anteriores a elli, y munches vegaes adoptó puntos de vista perestremaos de los de los sos predecesores. Asina, na introducción de Pasiones del alma, un tratáu de les emociones, llega a dicir que va escribir sobro esta materia "como si dengún tuviera escrito sobre ello primero". El so principal asertu filosóficu ye "Pienso, eso ye qu'esisto", qu'apaez nel so Discursu del métodu (1637) y nos sos Principios de la filosofía (1644)[2].

Munchos de los elementos del so pensamientu filosóficu pueden rastrexase nel aristotelismu tardíu, nos neoestoicos del sieglu XVI y en filósofos como Agustín d'Hipona. No que cinca a la filosofía natural, el so pensamientu dixébrase de les escueles que lu precedieron en dos puntos principales: primeru, él niega la dixebra de la sustancia corporal en cuerpu y alma; y segundu, niégase a aceptar denguna xustificación al traviés de destinos finales, seyan d'orixe relixosu o natural, na esplicación de los fenómenos naturales[3]. Na so teoloxía insiste na absoluta llibertá del actu divinu de la creación.

Descartes punxo los finxos pa l'apaición, nel sieglu XVII, del nomáu racionalismu continental, dempués defendíu por Baruch Spinoza y Gottfried Leibniz y opuestu al empirismu de Thomas Hobbes, John Locke, George Berkeley y David Hume. Neto Leibniz y Spinoza que Descartes foron toos ellos matemáticos amás de filósofos, y Descartes y Leibniz ficieron tamién destacaes contribuciones al desarrollu de la ciencia.

ReferenciesEditar

  1. Nadler, Steven, The Philosopher, the Priest, and the Painter: A Portrait of Descartes. Princeton University Press, 2015. ISBN 9780691165752
  2. Esta idea fora propuesta un sieglu anantes pol filósofu español Gómez Pereira con esta forma: "Sé que sé daqué, y cualisquiera que sabe esiste; poro, yo esisto" (nosco me aliquid noscere, & quidquid noscit, est, ergo ego sum). Ver Gómez Pereira, Antoniana Margarita: "De Immortalitate Animae", 1749 [1554], p. 277; Santos López, Modesto (1986). Gómez Pereira, médico y filósofo medinense. En Historia de Medina del Campo y su Tierra, volumen I: Nacimiento y expansión, ed. by Eufemio Lorenzo Sanz, 1986.
  3. Carlson, Neil R., Physiology of Behavior. Needham Heights, Massachusetts: Pearson: Allyn & Bacon, 2001, p. 8. ISBN 0-205-30840-6.


Esti artículu ye un entamu. Pues ayudar a la Wikipedia n'asturianu ampliándolu.