Descripción

Describir ye esplicar, de manera detallada y ordenada, cómo son les persones, animales, llugares, oxetos, etc. La descripción sirve sobremanera pa ambientar l'aición y crear una que faiga más creíbles los fechos que se narren. Munches vegaes, contribúin a detener l'aición y preparar l'escenariu de los fechos que siguen.

La descripción tamién pue definise como la representación verbal de les traces propies d'un oxetu. Al describir una persona, un animal, un sentimientu, etc. Esprésense aquelles carauterístiques que faen peculiar a lo descrito, y la estrema d'otros oxetos d'otra o de la mesma clase.

Procesu descriptivu

En primer llugar hai qu'estremar cuálos son les traces y les carauterístiques importantes. Esíxense dellos cumplimientos para una descripción.

• Observación: Pa poder describir hai que conocer lo que se describe. El primer pasu ye reparar y anotar lo que caracteriza al oxetu. Hai que tener en cuenta los elementos que componen l'oxetu y les cualidaes que se perciben.
• Selección: Nun ye necesariu que se describa tolo que se repare. Ye imprescindible amenorgar la descripción a les traces y les carauterístiques que resulten significatives.
• Ordenación: Les traces y les carauterístiques nun tienen d'apaecer desordenaos. Ye conveniente presentalos nun orde. Esta organización, tamién llamada estructura de la descripción, pue ser de munchos tipos dependiendo del orde espacial, del orde sensorial, del orde lóxicu, etc. Los tipos del orde espacial son lo alloñao y lo cercano...; los tipos del orde sensorial son la forma, el tamañu, el color, etc.; y los tipos del orde lóxicu son de lo xeneral a lo particular, de lo esencia a lo secundario, etc.
• Redaición: Ye necesariu escoyer el vocabulariu fayadizu. Nel casu de les descripciones téuniques, les traces y carauterístiques han de ser precises y rigoroses. Nel casu de les descripciones lliteraries, hai que buscar espresividá, suxerencia, etc., n'otres pallabres, lo que l'autor quiera tresmitir al oyente.

Bibliografía

• Martínez Jiménez, José Antonio; Muñoz Marquina, Francisco; Sarrión Mora, Miguel Ángel (2011). Martínez Jiménez, José Antonio; Muñoz Marquina, Francisco; Sarrión Mora, Miguel Ángel (2011). Lengua Castellana y Literatura, Akal, Akal Sociedad Anónima, páx. 343. ISBN 9788446033677. Martínez Jiménez, José Antonio; Muñoz Marquina, Francisco; Sarrión Mora, Miguel Ángel (2011). Lengua Castellana y Literatura, Akal, Akal Sociedad Anónima, páx. 343. ISBN 9788446033677.  |fechaaccesu= rique |url= (ayuda)Martínez Jiménez, José Antonio; Muñoz Marquina, Francisco; Sarrión Mora, Miguel Ángel (2011). Lengua Castellana y Literatura, Akal, Akal Sociedad Anónima, páx. 343. ISBN 9788446033677.

Enllaces esternos

• Datos: Q1200750
• Multimedia: Descriptions