Diego Carcedo

Diego Carcedo
Vida
Nacimientu	Sobrecueva, 24 de marzu de 1940 (84 años)
Nacionalidá	España
Llingua materna	castellanu
Familia
Casáu con	Cristina García Ramos
Estudios
Llingües falaes	castellanu
Oficiu	periodista, presentador de televisión, escritor, llocutor
Emplegadores	RTVE
Premios	ver premiu Espasa d'Ensayu (2011) ;

José Manuel Diego Carcedo (24 de marzu de 1940, Sobrecueva) ye un periodista español.

Trayeutoria

N'acabando los sos estudios de Historia y de Periodismu, empezó a trabayar nel diariu La Nueva España, d'Uviéu.

En 1974 ingresaba en Televisión Española, entrando a formar parte de los servicios informativos. Nesi añu, incorpórase-y al equipu del programa Los reporteros, xunto a nomes del prestíu de Miguel de la Quadra Salcedo, Javier Basilio o Jesús González Green. Mientres los dos años en que permanez nel programa, tien ocasión de ser testigu direutu d'acontecimientos como la Revolución de los Claveles en Portugal.

En 1978 foi nomáu corresponsal de TVE en Lisboa, cargu qu'ocupa hasta 1984, en que ye treslladáu a Nueva York. En 1989 foi nomáu direutor de los Servicios Informativos de TVE y en 1991 direutor de Radio Nacional d'España. Mientres esi tiempu, amás presentó, xunto a Julio César Iglesias Los Almuerzos de RNE, que se tresmitíen simultáneamente pola cadena de radio pública y por TVE. Dende xunu de 1996, en que cesa del so cargu, hasta xineru de 2007 foi miembru del conseyu d'alministración de RTVE, a propuesta del PSOE.

En 2006 foi escoyíu como Presidente de l'Asociación de Periodistes Europeos.

Ente otros publicó los llibros Neruda y el barcu de la esperanza, El Schindler de la guerra civil, Sáez de Santamaría, el xeneral que camudó de bandu, Fusiles y Claveles, sobre la revolución de los claveles, Los Cabos sueltos sobre'l 23-F, Un español frente al Holocaustu y en 2009, la novela El neñu que nun diba a misa. El llibru Un español frente al Holocaustu foi llevada a la series de televisión pequeña pantalla na serie titulada L'Ánxel de Budapest onde l'actor Francis Lorenzo encarna al diplomáticu Ángel Sanz-Briz. Ente besties y héroes: los españoles que llantaron cara al Holocaustu ganó'l Premiu Espasa d'Ensayu en 2011.

Vida privada

Ta casáu cola periodista Cristina García Ramos.

Referencies

Enllaces esternos

El Rector recibe a Inocencio Arias y Diego Carcedo que fueron convidaos pol Cursu Especialista de Protocolu (enllaz rotu disponible n'Internet Archive; ver l'historial y la última versión).. Universidá de Les Palmes de Gran Canaria.
Seición española de l'Asociación de Periodistes Europeos. APE.

Predecesor: Julio de Benito	Direutor de los Servicios informativos de TVE 1989-1990	Socesor: María Antonia Iglesias
Predecesor: Fernando G. Delgado	Direutor de RNE 1991-1996	Socesor: Javier González Ferrari