Dieta de Xapón
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Dieta de Xapón (en xaponès: 国会, kokkai), ye'l poder llexislativu bicameral de Xapón. Ta integrada por una cámara baxa, la Cámara de Representantes y una cámara alta, la Cámara de Conseyeros. Amás de facer y aprobar les lleis, la Dieta elixe'l Primer Ministru.
| Dieta de Xapón | |
|---|---|
| 国会 | |
 | |
| Datos xenerales | |
| Tipu |
bicameralismu, dieta (es)  y Japanese state institution (en) |
| Estáu |
 Xapón |
| Sede | Edificiu de la Dieta |
| Formáu por |
Cámara de representantes de Xapón Cámara de Conseyeros de Xapón |
 | |
La Dieta aconceyó per primer vegada como la "Dieta Imperial", el 1889, a resultes de la promulgación de la Constitución de Meiji. La cadarma actual de la Dieta establezse na constitución de 1947 y se considera'l muérganu del poder del estáu más eleváu de la nación. La sede de la Dieta Nacional alcuéntrase en Nagatacho, Tokiu.
Los miembros de dambes cámares de la Dieta elíxense acordies al métodu de votu paralelu; ye dicir, cada cámara subdivídese en dos grupos, ún, elixíu por representación proporcional y l'otru elixíu por votu direutu. La Cámara de Representantes ta integrada por 480 miembros, 300 de los cuales son elixíos según l'escrutiniu uninominal mayoritariu, ún per cada distritu, y 180 según l'escrutiniu proporcional plurinominal con llistes de partíos d'once bloques eleutorales. La Cámara de Conseyeros ta integrada por 242 miembros, 146 de los cuales son elixíos d'ente les 47 prefeutures per aciu del escrutiniu uninominal mayoritariu. Los otros 96 elíxense per aciu del escrutiniu proporcional plurinominal nel que tol país perfai una sola llista nacional.
La constitución de Xapón nun especifica'l númberu de miembros de cada cámara de la Dieta, nin el sistema eleutoral, nin los requisitos necesarios pa votar o ser votáu; estes determínense en lleis separaes. Sicasí, la constitución garantiza'l drechu al sufraxu universal secretu adultu y que les lleis eleutorales nun han de discriminar a naide en base a la raza, credu, estatus social, orixe familiar, educación, propiedá nin renta familiar.
Referencies
editarEnllaces esternos
editar
Wikimedia Commons tien conteníu multimedia tocante a Dieta de Xapón.
Datos: Q202384- Multimedia: Diet of Japan
