Ecò dau Bosqueton

Ecò dau Bosqueton foi una revista fecha polos felibres occitanos qu'estaben nel frente mientres la Primer Guerra Mundial.

HistoriaEditar

Mientres la Primer Guerra Mundial un grupu de felibres que marcharon al frente decidieron crear la '"Escòla dau Bombardament". El fundaor d'aquel grupu foi un felibre de Velai, Albèrt Bodon-Lasèrmas, que yera n'aquel tiempu sarxentu mayor del 286 de llinia. En xineru de 1915 axuntó xente del so país y añadiéronse xente d'otres partes, d'occitanos pero tamién franceses, nun solo escritores más tamién pintores y musicos. Creóse una revista que tenía primeramente un nome en francés Écho du Boqueteau y que siría más tarde l'Ecò dau Bosqueton. Yera xeneralmente selmanal pero les dificultaes d'espublización en tiempos de conflictu ficieron que dalgunes vegaes imprimiérase con tardanza. Del tiempu del conflictu axuntáronse muncho felibres alredor del grupu orixinal como por exemplu Loís Abric y Marius Jouveau qu'escribieron versos dientro la revista. Francés Posòl, felibre de Vilanòva d'Avinhon, foi dirixente de de l'Escòla dau Bombardament en 1916 cuando Bodon tuvo que pasar daqué da tiempu nel hospital. Magar el conflictu y les necesidaes d'organizacion celebróse la Santa Estèla en 1916 y 1917.