Economía d'Albania
En 1985, Albania empecipió algunes reformes estructurales pa pasar d'un réxime d'economía comunista centralizáu y estatalizáu a un sistema capitalista al modelu européu. El programa de reformes económiques intensificóse en 1992 tres les eleiciones llibres que dieron puntu final al modelu económicu anterior. Les aiciones de lliberalización centráronse en:
- Programa de privatizaciones na industria y l'agricultura.
- Reforma del sector financieru.
- Reformes llexislatives que dexaben una economía de mercáu.
- Lliberalización de los intercambios comerciales nel interior y col esterior
- Réxime fiscal nuevu.
- Política monetaria de control del déficit presupuestariu.
| Economía d'Albania | |
|---|---|
 | |
| Moneda | Lek albanu |
| Organizaciones comerciales de les que ye parte | OMC, Cooperación Económica del Mar Prietu |
| Datos estadísticos[1] | |
| PIB nominal | 13 039 352 743,962 $ [2] |
| PIB nominal per cápita | 4537 $ [3] |
| Posición del PIB | 124ª nel mundu[4] |
| Crecimientu del PIB | 3,4 % [5] |
| PIB por sector | agricultura 21,7%, industria 24,2%, servicios 54,1% (2017) |
| Inflación | 2,2 % (2016)[6] |
| Población per baxo de la llinia de la probeza | 14,3% (2012) |
| Total de la fuercia de trabayu | 1 104 000% (2019) |
| Fuercia de trabayu por sector | Agricultura 41,4%, industria 18,3%, servicios 40,3% |
| Industries | procesamientu d'alimentos, testiles y ropes, madera, petroleu, cementu, productos químicos, minería, metales básicos, enerxía hidroeléctrica |
| Datos comerciales[1] | |
| Esportaciones | 900,7 millones (2019) |
| Destín d'esportaciones | Italia 45%, España 8%, Alemaña 6%, Grecia 5%, Francia 4%, República Popular de China 4% (2019) |
| Importaciones | 4 103 millones (2019) |
| Destín d'importaciones | Italia 28%, Grecia 12%, República Popular de China 11%, Turquía 9%, Alemaña 5% (2019) |
| Finances públiques[1] | |
| Deuda esterna | 9 311 millones (2019) |
| Ingresos | 3 614 millones (2017) |
| Gastu públicu | 3 874 millones (2017) |
 | |
Unu de los grandes problemes de la so economía ye la proliferación del crime entamáu, qu'al traviés del control del tráficu de drogues y d'armes n'Europa y los Estaos Xuníos, exerz una poderosa y negativa influencia na so normalización económica.[7]
Agricultura
editarLa desapaición del modelu coleutivista provocó en 1991 l'apropiación indiscriminada de les tierres polos llabradores, sumiendo bona parte de les cooperatives esistentes. Esti impulsu desordenáu xeneró mientres dellos años un amenorgamientu de la producción agrícola, quedando les granxes en réxime de subsistencia. El procesu empezó a recuperase dempués de 1998, en poniendo orde l'alministración nes privatizaciones. La superficie cultivable algama na actualidá les 628.000 hectárees, 40.000 más qu'en 1991, anque les posibilidaes de autoabastecimientu anteriores a 1990 nun s'algamaron inda. Los principales productos d'esti sector son el trigu, el maíz, les pataques, les hortolices, la uva, la madera, el tabacu, la carne y tolos productos y derivaos llácteos.
Minería y Lletricidá
editarEl descubrimientu en 1917 de petroleu y gas natural favoreció qu'Albania seya un país con una solvente capacidá enerxética, que-y dexó inclusive la esportación d'estos bienes en pequeñes cantidaes. Caltién unes reserves petrolíferes envaloraes en 2003 de 440 millones de tonelaes y 75 millones de Nm3 de gas natural.
Ye'l tercer productor mundial de cromu (cerca de la cuenca del ríu Drin), con un 10% del total mundial. Asina mesmu tien mines de fierro-níquel y cobre (en Kukës).
Referencies
editar- ↑ CIA. «Albania - The World Factbook». Consultáu'l 8 de mayu de 2021.
- ↑ «base de datos del Bancu Mundial». Bancu Mundial. Consultáu'l 19 ochobre 2018.
- ↑ «base de datos del Bancu Mundial». Bancu Mundial. Consultáu'l 27 mayu 2019.
- ↑ https://www.cia.gov/the-world-factbook/field/real-gdp-per-capita/country-comparison/
- ↑ URL de la referencia: http://www.imf.org/external/datamapper/NGDP_RPCH@WEO?year=2016.
- ↑ URL de la referencia: http://www.imf.org/external/datamapper/PCPIEPCH@WEO?year=2016.
- ↑ El Mundo. Los albaneses, entregados a la mafia.
Enllaces esternos
editar
Wikimedia Commons acueye conteníu multimedia sobre Economía d'Albania.
Datos: Q8055- Multimedia: Economy of Albania
