Elizabeth Armstrong Wood
Elizabeth Armstrong Wood (19 d'ochobre de 1912, Nueva York – 2006) foi una xeóloga y cristalógrafa estauxunidense responsable del programa d'investigación nos Llaboratorios Bell empobináu al desenvolvimientu de láseres y superconductors nuevos. Foi reconocida pola claridá de los sos escritos y los sos esfuercios pa educar al públicu sobre temes científiques.
Elizabeth Armstrong Wood | |
|---|---|
| Vida | |
| Nacimientu | Nueva York, 19 d'ochobre de 1912 |
| Nacionalidá |
 Estaos Xuníos |
| Muerte | 2006 (93/94 años) |
| Estudios | |
| Estudios |
Barnard College (es)  Bryn Mawr College |
| Oficiu | xeóloga, cristalógrafa |
| Emplegadores |
Bell Labs (es) |
 | |
Educación editar
Elizabeth Wood nació'l 19 d'ochobre de 1912, en Nueva York, Estaos Xuníos. Asistió al Barnard College y doctoróse en Xeoloxía pola Universidá Bryn Mawr, onde empezó a interesase pola cristalografía. Enseñó Xeoloxía en Bryn Mawr mientres los cursos académidos 1934-1935 y 1937-1938. Tamién dio clases de Xeoloxía y Mineraloxía en Barnard , ente 1935-1937 y 1938-1941. Finalmente llogró una posición como investigadora na Universidá de Columbia.[1]
Carrera editar
En 1942, Wood aceptó un puestu nel Departamentu d'Investigación de Física de los Llaboratorios Bell, onde foi la primer muyer emplegada como científica.[1] Mientres más de dos décades, dirixó un programa d'investigación cristalográfica centráu principalmente nes propiedaes electromagnétiques de los cristales. Trabayó na producción de cristales con propiedaes conductores y magnétiques y na investigación de nuevos materiales cristalinos ferromagnéticos o piezoeléctricos.[1][2] Estudió les transiciones de fase nel siliciu, los cambeos de coloración por irradiación nel cuarzu, y los cambeos d'estáu de ciertos materiales mientres l'aplicación de campos llétricos.[1] Nel cursu de les sos investigaciones, desenvolvió la primera notación sistemática pa la cristalografía de superficie.[3] El so trabayu contribuyó al desenvolvimientu de nuevos láseres y superconductores.[1][4]
Wood llogró reconocencies pola claridá de los sos escritos, particularmente nos llibros qu'escribió pa los legos na materia como Science for the airplane passenger ('Ciencia pal pasaxeru d'avión', 1969). La so obra Crystals and light, publicáu en 1964, pa llectores ensin conocencies previes d'óptica, foi mientres tiempu'l principal llibru de testu nel so campu.[5] Los Llaboratoriu Bell publicaron una versión d'esti llibru, Experiments with crystals and light ('Esperimentos con cristales y lluz',1964), pa estudiantes d'institutu como folletu y caxa d'esperimentos. Crystal orientación manual (1963) yera un manual pa téunicos sobre la preparación apropiada de cristales pa esperimentos. Como suxure'l títulu del so llibru de 1962 Rewarding careers for women in Physics ('Carreres satisfactories pa les muyeres en Física'), abanderó esfuercios p'atraer a más muyeres a les ciencies, aldericando en xuntes y conferencies asunto como la desaprobación cultural esperimentada poles muyeres profesionales.[6] Wood lideró iniciatives nun númberu d'organizaciones profesionales;[1] ente elles destaca la fundación de l'Asociación Americana de Cristalografía (ACA) a partir d'una fusión ente la Sociedá Americana pa la Difracción de Rayos X y Electrones (ASXRED) y la Sociedá Cristalográfica d'América (CSA). En 1957, foi la primer muyer presidente de la ACA.
Reconocencies y honores editar
Ente los años 50 y 70, los Llaboratorios Bell invirtieron unos quinientos millones de dólares pa crear un videófono. En 1964, la compañía presentó'l so «sistema Picturephone», con serviciu llindáu nunes poques ciudaes. El sistema inauguróse inauguráu con una llamada de la primer dama Lady Bird Johnson a Elizabeth Wood[7]
Wood recibió doctoraos honoris causa por Wheaton College (1963), Western College, Ohio (1965), y Worcester Polytechnic (1970).[1]
En 1997, la ACA estableció'l Premiu Y. A. Wood d'Escritura de Científica como reconocencia a los autores que realicen un trabayu escepcional pa escribir sobre ciencia pal públicu xeneral. El premiu de concedi cada trés años, y el primeru en recibilo foi'l premiu Nobel Roald Hoffmann. Ente los ganadores cúntense tamién Oliver Sacks y Ira Flatow.[8]
Referencies editar
- ↑ 1,0 1,1 1,2 1,3 1,4 1,5 1,6 Singer, Sandra L. Adventures Abroad: North American Women at German-speaking Universities 1868–1915. Praeger, 2003.
- ↑ " Awards Presented by the American Crystallographic Association". ACA website. Accessed Nov. 12, 2015.
- ↑ Unertl, W.N. "Surface Crystallography." In Physical Structure, Handbook of Surface Science series vol. 1. Elsevier Science, 1996, p. 26.
- ↑ Puaca, Laura Micheletti. "A New National Defense: Feminism, Education, and the Quest for 'Scientific Brainpower', 1940–1965". Doctoral thesis in History, University of North Carolina, Chapel Hill, p. 271.
- ↑ Kass-Simon, Gabriele, and Patricia Farnes, eds. Women of Science: Righting the Record. Indiana University Press, 1990.
- ↑ Wayne, Tiffany K. American Women of Science Since 1900: Essays A-H, vol. 1. ABC-CLIO, 2011.
- ↑ Novak, Matt (15 de xunu de 2014). . Paleofuture.
- ↑ Abrahams, Sidney. "Elizabeth Armstrong Wood (1912-2006)". ACA RefleXions, non. 2, Summer 2006.
Datos: Q22089501
