Wikipedia

Ellen Anckarsvärd

feminista sueca (1833–1898)

Anna Lovisa Eleonora "Ellen" Anckarsvärd (10 d'avientu de 1833, The Royal Court Parish (en) Traducir – 12 d'agostu de 1898, Klara Church Parish (en) Traducir), foi una activista sueca polos derechos de la muyer. Foi cofundadora y secretaria de l'Asociación de Derechos de la Propiedá de la Muyer Casada (suecu: Föreningen för gift kvinnas äganderätt) en 1873; cofundadora y vicepresidenta de Handarbetets Vänner en 1874; cofundadora (1884) y vicepresidenta (1896-1898) de l'asociación Fredrika-Bremer-Förbundet; presidenta del Svenska Kvinnors Nationalförbund (Conseyu Nacional Suecu de Muyeres) en 1896-1898 y presidenta del Läsesalongen nos años 1896-1898.

Ellen Anckarsvärd
Q99372684 Traducir

1896 - 1898 - Anna Hierta-Retzius →
Vida
Nacimientu The Royal Court Parish (en) Traducir[1], 10 d'avientu de 1833[2]
Nacionalidá Bandera de Suecia Suecia [3]
Muerte Klara Church Parish (en) Traducir[1], 12 d'agostu de 1898[2] (64 años)
Sepultura Cementerio del Norte de Estocolmo (es) Traducir[4]
Familia
Padre Axel Nyström
Madre Eva Sophia Rung
Casada con Theodor Anckarsvärd (1862 – 1878)[2]
Fíos/es
Hermanos/es
Oficiu activista polos derechos de les muyeres
Cambiar los datos en Wikidata

Vida

editar

Ellen Anckarsvärd yera fía del arquiteutu Per Axel Nyström. En 1862 casó col arquiteutu Theodor Anckarsvärd. Anckarsvärd sería madre del diplomáticu Cossva Anckarsvärd y madre d'acoyida del artista Louis Sparre.

Ellen Anckarsvärd taba destinada a convertise nuna de les figures más destacaes de la primer xeneración del movimientu entamáu feminista en Suecia. En 1873 tomó al pie de Anna Hierta-Retzius la iniciativa d'establecer l'Asociación de Derechos de la Propiedá de la Muyer Casada (Föreningen för gift kvinnas äganderätt), la primer organización polos derechos de la muyer nel país y onde trabayaría como secretaria mientres munchos años. Según Anna Hierta-Retzius, Anckarsvärd yera «col so intelectu y la so eficacia la figura principal de la organización».[5]

En 1874 cofundó'l Handarbetets Vänner (Amigos de l'Artesanía) y encargóse del ámbitu económicu de dicha organización hasta'l so ascensu a vicepresidenta. Foi miembru de la sociedá lliteraria Läsesalongen (Sala de llectura) dende 1874 hasta 1896, y presidenta a partir del añu 1896.

En 1884 foi una de los fundadores de la Fredrika-Bremer-Förbundet, la principal organización polos derechos de la muyer nel sieglu XIX. Según Ellen Key, Anckarsvärd «yera una bona organizadora, pa la cual nun esistía problema xurídicu o práuticu difícil de solucionar, y trabayó como l'asesora xurídica de la organización». Foi referida como la socesora de Sophie Adlersparre dientro del movimientu suecu polos derechos de la muyer burguesa, con quien caltuvo una rellación cercana de compañerismu de la qu'una vegada se dixo: «Ye de Adlersparre de quien nacen les idees, pero ye Anckarsvärd quien les fai crecer».[6][7]

Nos años 1896-1898 exerció como presidenta del Svenska Kvinnors Nationalförbund (Conseyu Nacional Suecu de Muyeres), que pasó a formar parte de Conseyu Internacional de Muyeres en 1898. Acoyó'l Congresu de Muyeres Nórdiques, planiáu pola organización en 1897. Exerció como presidenta del Comité de Muyeres de la Esposición de Chicago, y como miembru de la sociedá caritativa Klara Parish, de la institución de diaconisas y de la revista Idun.

Ellen Key describe a Anckarsvärd como una muyer fráxil de pelos rubios, con una constitución delicada y un temperamentu sele, reserváu y humilde, pero con una intelixencia y una fuercia de voluntá estelantes, y una habilidá pa centrase na materia en cuestión. Yera, al traviés de la so eficacia como organizadora y alministradora, una pilastra central nes organizaciones nes que participaba».[8] Nun artículu conmemorativo na revista Idun, Ellen Key escribió:

Bien rubia, pálida y fráxil, una criatura delicao y diminuto, non yá débil, sinón tamién propensa a carecer; tal yera la superficie d'esa muyer, en que'l so fráxil físicu allugó'l talentu más masculino que nunca atopara nun miembru del sexu femenín. [...] Nunca vi a nenguna muyer centrase tan puramente en daqué ensin acabar consumida por ello. [...] Una amiga de mancomún, l'agora señora Von Vollmar, d'aguda intelixencia, esclamó una vegada [...], dempués d'una de les nueses xuntes con Anckarsvärd na Asociación de Derechos de la Propiedá de la Muyer Casada, que Ellen Anckarsvärd calculaba y respondía meyor a estes temes dormida que nós mientres tábamos despiertes. Cuándo s'añade que dientro d'esta fráxil criatura, [...] esistía esa fortaleza, [daquién] que yera capaz de llevar tal cantidá de asignaciones con una sorrisa cuando otros habríense rindíu; entós unu va entender cómo de superior yera Ellen Anckarsvärd naquelles árees nes que taba activa.[9]

Referencies

editar
  1. ↑ 1,0 1,1 Afirmao en: Sveriges dödbok. Data de consulta: 1r payares 2018. Apaez como: 18331210 Ankarswärd, Anna Lovisa Eleonra.
  2. ↑ 2,0 2,1 2,2 2,3 2,4 Data de consulta: 7 xunetu 2020. URL de la referencia: http://www.ub.gu.se/fasta/laban/erez/kvinnohistoriska/tidskrifter/idun/1898/pdf/1898_50.pdf.
  3. ↑ «LIBRIS». Biblioteca Nacional de Suecia (24 ochobre 2012). Consultáu'l 24 agostu 2018.
  4. ↑ URL de la referencia: http://www.svenskagravar.se/gravsatt/45611360. Editorial: Svenskagravar.se. Data de consulta: 24 avientu 2017. Apaez como: Ankarsvärd, ANNA LOVISA E.
  5. ↑ Idun, Nr. 50, 1898
  6. ↑ Österberg, Carin et al., Svenska kvinnor: föregångare, nyskapare (Swedish women: Predecessors, pioneers) Lund: Signum 1990.
  7. ↑ Idun, Nr. 50, 1898
  8. ↑ Idun, Nr. 50, 1898
  9. ↑ Idun, Nr. 50, 1898

Bibliografía

editar
  • Österberg, Carin et ál., Svenska kvinnor: föregångare, nyskapare (Muyeres sueques: predecesores, pioneres) Lund: Signum 1990. (ISBN 91-87896-03-6)
  • Idun, Nr. 50, 1898
Sacáu de «https://ast.wikipedia.org/w/index.php?title=Ellen_Anckarsvärd&oldid=4262737»