Ernest Guiraud

Ernest Guiraud (23 de xunu de 1837, Nueva Orleans – 6 de mayu de 1892, París) foi un compositor y profesor de música francés d'orixe d'Estaos Xuníos.

Ernest Guiraud
Vida
Nacimientu	Nueva Orleans, 23 de xunu de 1837
Nacionalidá	Francia
Muerte	París, 6 de mayu de 1892 (54 años)
Sepultura	Cementeriu de Père-Lachaise Grave of Guiraud (en)
Familia
Padre	Jean-Baptiste Guiraud
Madre	Adélaïde Croisilles
Estudios
Estudios	Conservatoriu de París
Llingües falaes	francés
Alumnu de	Antoine-François Marmontel Jacques Fromental Halévy
Profesor de	Maurice Emmanuel Paul Dukas Edmond Diet Henri Büsser Mélanie Bonis Blanche Sorbier (es) Françoise Vacher Eugène Piffaretti Gabriel Pierné
Oficiu	compositor, coreógrafu, pedagogu, profesor universitariu, pianista, profesor de música
Emplegadores	Conservatoriu de París
Premios	ver Premiu de Roma caballeru de la Lexón d'Honor
Miembru de	Academia de Bellas Artes (es)
Movimientu	música clásica
Xéneru artísticu	ópera música clásica
Instrumentu musical	pianu

Biografía

Ernest Guiraud llegó a Francia dispuestu a rehabilitar el bon nome del so padre Jean-Baptiste, compositor y profesor que, ante'l fracasu de los sos conciertos y representaciones teatrales, viose obligáu a emigrar a América.

Nel conservatoriu foi alumnu de Barbereau y d'Halévy y llogró'l primer premiu de pianu (1858) y consiguió en 1859, al igual que'l so padre en 1827, el Premiu de Roma, que-y foi concedíu por unanimidá.

Compunxo pal Théâtre de la Ópera-Comique: Sylvie (1864); En Prison, (1869); Kabol (1870); Piccolino, ópera risible en tres actos (1876); Galante aventure, ópera risible en tres actos (1882). Pal Atenéu: Madame Turlupin, ópera risible en dos actos que tuvo un gran ésitu en (1872). Pa la Opéra de París: el ballet Gretnagreen (1873).

Años más tarde aportó a profesor d'harmonía nel conservatoriu (1876) y dempués de composición (1880) asocediendo a Victor Massé. Ente los sos discípulos destaquen Paul Dukas, André Gedalge, Claude Debussy, Erik Satie Les sos enseñances fueron bien apreciaes y reconocíes. Influyó notablemente en Claude Debussy - publicación de les notes tomaes mientres los discutinios amistosos por Maurice Emmanuel nel so llibru dedicáu a "Pelléas y Melisande".

El so Primer Suite d'orquesta, executada en 1872 nos Conciertos Populares tuvo una bona acoyida y la so Antroxu inda s'interpreta. Caltuvo una gran amistá con Georges Bizet, que la so partitura de la ópera Carmen arriqueció colos recitativos qu'incorporó a la mesma reemplazando los diálogos orixinales. Coles mesmes acabó la orquestación de Los cuentos de Hoffmann, de Jacques Offenbach. La so ópera Frédégonde, drama llíricu en tres actos foi terminada por Camille Saint-Saëns y por Paul Dukas en 1894.

Foi extraordinariamente competente nes disciplines d'harmonía y orquestación.

Obras

• 1846 - David, ópera.
• 1859 - En Prison, ópera risible.
• 1862 - El aventurero, melodrama graciosu.
• 1862-64 - Sylvie, ópera risible.
• 1868-69 - La copa del rey de Thulé, ópera.
• 1870 - Le Kabol, ópera.
• 1873 - Gretnagreen, balé.
• 1872 - Madame Turlupin, ópera risible.
• 1876 - Piccolino, ópera risible.
• - El fuego, ópera.
• 1882 - Galante aventure, ópera risible.
• 1856 - Capricho para violín y orquesta.
• 1887 - Caza fantástica, sinfonía.
• 1895 - Frédégonde, drama llíricu. Los actos 1-3 con orquestación de Paul Dukas y los actos 4 y 5 y ballet del actu 3 compuestos por Camille Saint-Saëns.

Enllaces esternos

• «Ernest Guiraud» nel Proyeutu Biblioteca Internacional de Partitures Musicales (IMSLP).

• Datos: Q727341
• Multimedia: Ernest Guiraud