Escapulariu
L'escapulariu[1] ye una pieza de tela parte del hábitu de delles congregaciones relixoses católiques, masculines y femenines (carmelites, trinitarios, mercedarios, dominicos, etc). Consiste nuna tira con una abertura per onde se mete la cabeza y que cuelga sobre'l pechu y el llombu, colingando de los costazos (en llatín, scapula) Ye parte del traxe de faena usáu polos monxos benedictinos ente otros y ye símbolu del xugu de Cristu.
Los terciarios editar
Los terciarios de les estremaes órdenes relixoses suelen llevar debaxo de la ropa ordinaria un escapulariu más pequeñu qu'asemeya al de los miembros de la respeutiva orden primera. El so escapulariu ye de dos pieces pequeñes de tela xuníes por cintes en color café.
Tipos d'escapularios editar
Los más conocíos son el de la Virxe del Carmen (marrón), de la Pasión (encarnáu), de la Inmaculada (azul), de la Trinidá (blancu), de la Virxe Dolorosa (negru),Tercera Orden de Nuestra Señora de la Mercé (blancu) y de la Santísima Virxe (verde). Son dieciocho escapularios, los aprobaos y indulxenciaos pola Ilesia. Pretenden recordar a los que los lleven los deberes ya ideales de la orde correspondiente.
Referencies editar
- ↑ Esti términu apaez nel Diccionariu de l'Academia de la Llingua Asturiana. Ver: escapulariu
Enllaces esternos editar
Wikimedia Commons acueye conteníu multimedia sobre Escapulariu 
.
