Escudu de Grau

Escudu de Grau
Datos
Estáu	España
Propietariu	Grau

L'escudu de Grau ta arrodiáu de discutiniu. Esisten tres versiones, nenguna sancionada llegalmente. La primera y más antigua ye la que más años representó al conceyu. Ta en desusu y los habitantes del conceyu nun lu reconocen. Trátase del diseñu que s'inventaron Octavio Bellmunt y Fermín Canella pa ilustrar el capítulu sobre Grau de la so enciclopedia "Asturies".

L'escudu de la derecha ye la versión heráldicamente correuta del qu'utiliza'l conceyu na actualidá. Ye una ilustración d'Eduardo Panizo Gómez, incluyida nel so llibru Heráldica Institucional y Vexiloloxía del Principáu d'Asturies" publicáu en 1994 pol gobiernu del Principáu d'Asturies. Trátase de les armes de la familia Grau: Un pinu, del so color, en campu de gules. Alredor del so tueru, una culiebra, de sinople, cola cabeza nel llau diestru del escudu. Nel llau siniestru d'ésti, un cuervu, de sable, posáu sobre una caña del pinu. Sobre'l tou, cuatro llances d'oru, colos sos fierros de plata, en situación de barra. Timbrado por un yelmu de fidalgu.

Na versión utilizada pol conceyu del mesmu escudu (na parte izquiera del documentu), dende los años 90, viólense les normes heráldiques, que prohiben poner color sobre color.

Una peculiaridá del escudu de Grau, que lo estrema de munchos otros del Reinu d'España, ye que non se timbra con corona, sinón con yelmu de fidalgu.

Escudu de Grau

Ver tamién

Referencies

Enllaces esternos