Escudu de Marruecos

escudu d'armes

La versión d'anguaño del escudu de Marruecos, que ye l'escudu d'armes del monarca alauí, foi adoptáu'l 14 d'agostu de 1957. El diseñu del escudu foi realizáu polos artistes gráficos Gauthier y Hainaut.

Escudu de Marruecos
Coat of arms of Morocco.svg
Datos
Propietariu Marruecos
Fecha d'adopción 14  d'agostu de 1957
Cambiar los datos en Wikidata

Nesti escudu s'amuesen, nun campu cortáu d'azur (azul) y gules (bermeyu) por una divisa o ceñidor (franxa horizontal estrecha) de plata (blanca o buxu):

Na partición d'arriba, d'azur, el sol naciente representáu d'oru; na inferior, de gules, un pentagrama de sínople (verde). Na divisa o ceñidor apaez representada, de gules, la Cordal del Atles.

Timbra la corona real marroquina.

Sostienen l'escudu dos figures con forma de lleón.

Na parte d'abaxo del escudu pue lleese nuna cinta, escritu n'árabe: Si aides a Dios, él t'aidará a ti (Corán, versu 7, sura 47).

El pentagrama ye un símbolu que pa los musulmanos ta rellacionáu con Fátima, la fía del Profeta Mahoma. Na bandera y escudu marroquinos representa la venceya ente Dios y la nación.

Ver tamiénEditar

ReferenciesEditar

Enllaces esternosEditar