Escudu de Tinéu

L'escudu de Tinéu (Asturies) preséntase de forma acuartelada, presentando la singularidá de que nel mediu apaez un escudu nel que s'aprecia un lleón d'oru n'atención al antiguu condáu de Cangas y Tinéu.

Escudu de Tinéu
Datos
Estáu	España
Propietariu	Tinéu

• El primer cuartel, amuésanos un castiellu almenáu, en referencia a un antiguu asentamientu dende onde se controlaba'l territoriu.

• El segundu cuartel, correspuende al blasón que'l rei Carlos I dio a García Fernández de la Plaza, pola muerte d'un capitán del pirata Barbarroxa na conquista de la goleta. Nel mesmu podemos observar la cabeza d'un xeneral turcu cola so espada y la so bandera, flanquiáu too ello por cuatro cabeces coraes, pudiéndose lleer nel pie la lleenda "Omnia Vincit Virtus".

• El tercer cuartel, amuésanos les armes del monesteriu d'Oubona, coles sos correspondientes mitres, la cruz, el bastón episcopal y les flores de lis.

• El cuartu cuartel, represéntanos dos brazos cruzaos, ún desnudu sobre otru vistíu, y tando coronáu pola cruz de San Franciscu de la villa de Tinéu, y que representan la orde de los Franciscanos qu'había en Tinéu.

La timbre la corona, condal.

Anguaño alcuéntrase n'usu ensin sanción llegal, nin alcuerdu conceyeru adoptáu en dichu sentíu. Foi inventáu por Octavio Bellmunt y Fermín Canella pa ilustrar la so obra "Asturias".

Ver tamién

• Escudos d'Asturies

Enllaces esternos

• Datos: Q8778078