Escudu de Togu

L'escudu de Togu foi aprobáu'l 14 de marzu de 1962. Ta compuestu por un campu d'oru (mariellu o doráu) cargáu coles lletres RT, representaes de gules (roxu) que son les iniciales del denomatu oficial del país (en francés): “République Togolaise” (“República Togolesa”)

Escudu de Togu
Armoiries du Togo.svg
Datos
Propietariu Togu
Fecha d'adopción 14  de marzu de 1962
Cambiar los datos en Wikidata

L'escudu ta suxetu por dos figures de lleón trazaes esquemáticamente que porten un arcu y una flecha caún. Na parte cimera del escudu apaecen representaes dos banderes nacionales, asitiaes al empar baxo una cinta na que ta escrito'l lema nacional del país en francés: “Union, Paix, Solidarite” (“Xunión, Paz, Solidariedá”). Con anterioridá'l lema que figuraba nesti escudu foi “Travail, Liberté, Patrie” (“Trabayu, Llibertá, Patria”).

Los lleones simbolicen el valor del pueblu togolés. Les dos fleches y los dos arcos demanden a tolos ciudadanos a tomar parte activa na defensa de la llibertá del país.