Ingrid Bolsø Berdal

Ingrid Bolsø Berdal
Vida
Nacimientu	Utøy, 2 de marzu de 1980 (44 años)
Nacionalidá	Noruega
Estudios
Estudios	Escuela Nacional de les Artes d'Oslu ; Universidá de Trondheim ; Utøy School (en)
Llingües falaes	noruegu
Oficiu	actriz, cantante, actriz de teatru, celebridá
Premios	ver Amanda Award for Best Actress (2007) : Fritt Vilt; Dialektprisen (2007) ; Premiu de la cultura d'Inderøy (2008) ; Seriekritikerprisen (2020) : Heksejakt (en) ; Premio Gullruten (2020) : Heksejakt (en) ;
Instrumentu musical	voz
IMDb	nm2070336
	ingridbb.com

Ingrid Bolsø Berdal (2 de marzu de 1980, Utøy) ye una actriz noruega de cine, televisión y teatru. Ye más conocida por interpretar a Jannicke na película noruega Fritt Vilt (2006) y a Zoe en Chernobyl Diaries.

Biografía editar

Ingrid Berdal empezó a estudiar música y cantu nel institutu y en graduándose siguió cola so educación musical na Universidá de Trondheim (NTNU), estudiando música de jazz ya interpretación mientres dos años. Treslladóse a Oslu, au foi aceutada na Academia Nacional d'Artes Dramátiques (KHIO), y au estudió actuación mientres trés años.

Nel so segundu añu na Academia Nacional interpretó'l papel de Sofía en Platonov (Chejov) y el d'Antígona n'Antígona (Sófocles). Nel so añu final interpretó'l papel de La Moza en The Name (John Fosse) y el de Hedda en Hedda Gabler (Henrik Ibsen).

Desque se graduó na KHIO, Berdal trabayó nel Teatru Noruegu d'Oslu. Tres el so primer añu nel teatru Ingrid recibió'l Premiu Hedda (Premiu del Teatru Noruegu) pol Meyor Debú del Añu. Mientres los sos años nel teatru interpretó roles n'obres clásiques y contemporánees, ente los que hai de solliñar Sasha n'Ivanov (Chejov), Shura en Llechi negro (Sigarev) y Yvonne en Yvonne, Princesa de Borgoña (Gombrowicz).

Nel añu 2014, interpretó a Atalanta, una muyer guerrera, na película Hércules.^[5]

Arriendes de la so actuación teatral, Berdal tamién trabayó n'obres de teatru radiofónicu, películes de cine y series de televisión. Ganó'l Premiu Amanda (El premiu de cine noruegu) a la Meyor Actriz pol so papel de Jannicke na película Fritt Vilt (Presa fría). Tamién foi nomada al premiu a la Meyor Actriz pol so papel en Fritt Vilt 2, dos años dempués.

Ingrid Bolsø Berdal presentó los Premios Amanda n'agostu de 2010, en directu na National TV (TV2). En xineru de 2011 presentó'l so monólogu Frøken Else (Teatru físicu) nel Teatru Noruegu, recibiendo bones crítiques.

Anguaño trabaya nel Teatru Nacional d'Oslu.

Filmografía editar

Cine editar

The Absence of Eddy Table (2015) (curtiumetraxe; voz)
Women for Large Men's Shirts (2015)
Hercules: The Thracian Wars (2014)
Kill Buljo 2 (2013)
Mormor og de 8 ungene (2013)
Hansel and Gretel: Witch Hunters (2013)
Chernobyl Diaries (2012)
Flukt (2012)
Jeg Reiser Alene (2011)
Resolve (2010) curtiumetraxe
Svik (2009)
Wide Blue Yonder (2010)
De Gales Hus (2008)
Fritt Vilt 2 (2008)
Tyvstart (2006) curtiumetraxe
Fritt Vilt (2006)
Sønner (2006)
Gymnaslærer Pedersen (2006)
Terje Vigen (2006)

Televisión editar

Westworld (2016)
Hellfjord (2012)
Hjerte til Hjerte 2 (2010)
Terry Pratchett's Going Postal (2010)
Kodenavn Hunter 2 (2008)
Thomas P (2007)
Eva og Adam (2007)
Kodenavn Hunter (2006)

Teatru editar

Baby, en Det Norske Teatret (2013)
Frøken Else (monólogu), en Det Norske Teatret (2011)
L'esperimentu, Jo Strømgren Kompani (2010)
Yvonne, Princesa de Borgoña, (Yvonne) en Det Norske Teatret (2008)
Hair (Jeanie) en Det Norske Teatret (2007)
Llechi negro (Sjura) en Det Norske Teatret (2007)
Ivanov (Sasha) en Det Norske Teatret (2007)
The Caucasian Chalc Circle (Ludovika) en Det Norske Teatret (2006)
Bikubesong (Angel) en Det Norske Teatret (2006)
Frank (Frid) en Det Norske Teatret (2006)
Ned til Sol (Anne) en Det Norske Teatret (2005)
Trollprisen en Det Norske Teatret (2005)
Kristin-spelet (Kristin Lavransdatter) en Sel (2004)

Referencies editar

↑ Afirmao en: filmportal.de. Identificador Filmportal: dc3fdce657294d9aaf6a1d28b05db20c. Apaez como: Ingrid Bolsø Berdal. Data de consulta: 9 ochobre 2017.
↑ Afirmao en: CONOR.SI. Identificador CONOR.SI: 230834275.
↑ URL de la referencia: https://www.aftenposten.no/kultur/i/kRaj0k/seriekritikerprisen-22-juli-fikk-gjeveste-pris. Data de consulta: 25 setiembre 2020.
↑ «Gullrutens arkiv».
↑ Gallagher, Brian (4 de payares de 2014). «‘Hercules’ Interview with Ingrid Bolso Berdal | EXCLUSIVE». MovieWeb. Consultáu'l 19 de xunetu de 2015.

Enllaces esternos editar

Ingrid Bolsø Berdal na Internet Movie Database (n'inglés)
Sitiu web oficial
Sitiu en Myspace

[96297cd5d07e87f97a7445ba79164e964907f7da-1] Afirmao en: filmportal.de. Identificador Filmportal: dc3fdce657294d9aaf6a1d28b05db20c. Apaez como: Ingrid Bolsø Berdal. Data de consulta: 9 ochobre 2017.

[6c504a7e80cb1204b2ee812f3238b068395c004b-2] Afirmao en: CONOR.SI. Identificador CONOR.SI: 230834275.

[c1c9c1002c062633c53c4743ab8e2007056db59b-3] URL de la referencia: https://www.aftenposten.no/kultur/i/kRaj0k/seriekritikerprisen-22-juli-fikk-gjeveste-pris. Data de consulta: 25 setiembre 2020.

[400405a836c1f0084862fe562388ff8acb8d7a3d-4] «Gullrutens arkiv».

[5] Gallagher, Brian (4 de payares de 2014). «‘Hercules’ Interview with Ingrid Bolso Berdal | EXCLUSIVE». MovieWeb. Consultáu'l 19 de xunetu de 2015.

[1]

[2]

[3]

[4]

[5]

Ingrid Bolsø Berdal

Vida
Nacimientu	Utøy, 2 de marzu de 1980^[1] (44 años)
Nacionalidá	Noruega
Estudios
Estudios	Escuela Nacional de les Artes d'Oslu Universidá de Trondheim Utøy School ^(en)
Llingües falaes	noruegu^[2]
Oficiu	actriz, cantante, actriz de teatru, celebridá
Premios	ver Amanda Award for Best Actress (2007) : Fritt Vilt Dialektprisen (2007) Premiu de la cultura d'Inderøy (2008) Seriekritikerprisen (2020) : Heksejakt ^(en) ^[3] Premio Gullruten (2020) : Heksejakt ^(en) ^[4]
Instrumentu musical	voz
IMDb	nm2070336
ingridbb.com