Anser serrirostris

El gansu de la tundra (Anser serrirostris) ye una especie d'ave anseriforme de la familia Anatidae nativa d'Eurasia. Enantes considerábase subespecie del gansu campestre.^[1] Ye una ave migratoria que cría na tundra euroasiática y pasa l'iviernu en rexones templaes d'Europa y Asia.

Descripción

Exemplar n'Inglaterra.

El llargor de picu a cola del gansu de la tundra bazcuya dende 68 hasta 90 cm, con un valumbu alar de 140 a 174 cm, y pesa ente 1,7 y 4 kg. El so plumaxe ye pardu escuru nes partes cimeres, salvo un finu cantu blancu nes coberteras alares, ente que los sos partes inferiores son de color pardu buxu bien claro. La so parte caudal ye blanca y presenta un finu llistáu escuru nos lladrales. El so picu ye negru na base y la punta, ente que tien una zona entemedia estrecha naranxa. Les sos pates son de color naranxa intensu.

Taxonomía

Hasta la so dixebra en 2007 considerábase que'l gansu de la tundra pertenecía a la especie del gansu campestre (Anser fabalis), estremáu en dos subespecies.^[2] Les dos subespecies qu'agora integren esta especie separada:

A. s. rossicus Buturlin, 1933 - cría na tundra del norte de Rusia hasta la península de Taimyr. Ye la subespecie de menor tamañu, el so picu ye curtiu y gruesu.
A. s. serrirostris Gould, 1852 - cría na tundra del nordeste de Siberia. Ye de mayor tamañu, el so picu ye llargu y anchu.

Referencies

↑ Alan P. Peterson, Anseriformes en Zoonomen
↑ The American ornithologists' Union Checklist of North American Birds, 48º suplemento The Auk 124(3):1109–1115, 2007

[APP-1] Alan P. Peterson, Anseriformes en Zoonomen

[2] The American ornithologists' Union Checklist of North American Birds, 48º suplemento The Auk 124(3):1109–1115, 2007

[1]

[2]