Mallacán
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Mallacán ye un grupu de rock n'aragonés creáu nel 1992. La so primer grabación foi una maqueta en cassette, "Entalto a reboluzión!" (¡Enriba la revolución!) nel 1995 y dende entós asoleyaron cuatro discos: "Luen d'o paradiso" (Lloñe del paraisu) nel 1999, "Chera chera!" (¡Foguera foguera!, espresión utilizada nel Pirinéu aragonés pa tizar del llar) nel 2002 "País zierzo" (País cerciu, refiriéndonse a Aragón) nel 2005, y "Mar de suenios" editáu nel 2009.
| Mallacán | ||
|---|---|---|
| Orixe | España | |
| Xéneru(os) | rock | |
| Enllaces esternos | ||
| Sitiu web oficial | http://www.mallacan.org/ | |
| Discogs | 1694312 | |
| Mallac | ||
| [editar datos en Wikidata] | ||
La música de Mallacán ye una fusión de rock, folk, ska y reggae.
Componentes y preseos musicales
editarAnguaño formen el grupu siete componentes, pero hubo munchos cambeos na hestoria del grupu:
- Fernando: voz y guitarra.
- Arturo: batería.
- Sito: guitarres.
- Mario: baxu.
- Eduardo:trompeta y samplers.
- Alex: trombón, guitarra y voces.
- Jandro: gaita de boto aragonesa, teclaos, acordión y dulzaina aragonesa.
Destaca l'empléu de preseos típicos d'Aragón, como la gaita de boto y la dulzaina.
Discografía
editar- Entalto a reboluzión! (1995)
La so primer maqueta. Apaez n'ochobre de 1995 y contién nueve cantares n'aragonés grabaes en direutu na sala Jai-Alai d'Huesca. Acompañando a la cassette venía una fueya colos cantares traducíos al castellán.
- Luen d'o paradiso (1999)
El primer discu apaez en 1999. Tien doce canciones que falen de la inmigración, la muyer, la ecoloxía y la defensa de la llingua aragonesa. L'últimu cantar del discu ye una versión del Gora Herria de Negu Gorriak n'euskera.
- Chera, chera! (2002)
Editáu n'abril de 2002. El títulu ye una espresión emplegada nel Pirinéu pa tizar el fueu del fogaril. Tien catorce cantares, una d'elles en catalán, otra en francés y dos en castellán, una ye una versión de más Birras.
- País Zierzo (2005)
Grabáu nel barriu del Gabitu, en Zaragoza y masterizado en Berriz (Vizcaya) por Lorentzo Records. Tien doce canciones, una en catalán y el restu n'aragonés.
- Mar de suenios (2009)
Apaez en mayu de 2009. Inclúi 14 cantares grabaos nos estudios Rap Solu de Zaragoza y masterizadas en Masterdisk en Nueva York. El so primer single foi 'Canta Trista d'Irina'.
Referencies
editarEnllaces esternos
editar
Datos: Q3321417
