Bandera de Santalla d'Ozcos

La bandera de Santalla d'Ozcos ye la bandera que representa'l conceyu asturianu de Santalla d'Ozcos. Aprobóse oficialmente'l 13 d'abril de 1998 tres d'un estudiu fechu pol Real Institutu d'Estudios Asturianos.

Bandera de Santalla d'Ozcos
Datos
Estáu	España
Entidá	Santalla d'Ozcos
Fecha d'adopción	13 d'abril de 1998 (26 años)
Proporción	3:2
Colores	verde (#009661)      azul (#00aad2)      mariellu (#ffd200)

Descripción de la bandera

Ye rectangular con proporción de 3/2 ente'l llargor y l'anchu. Ta dividida en dos partes: la parte de fondu verde (pantone 340) y la superior de fondu azul (pantone 312). Na superior hai tres arcos d'igual tamañu y enriba'l primer arcu asítiase la Cruz de la Victoria en color mariellu (pantone 109).

Simboloxía

El verde de la parte baxa representa'l paisaxe de los abondosos montes qu'hai nel conceyu y l'esperanza de les sos habitantes nun futuru meyor. L'azul de la parte cimera representa la paz y el cielu que naz ente ente los montes y los valles.

Ver tamién

• Escudu de Santalla d'Ozcos
• Banderes d'Asturies

Bibliografía

• Boletín Oficial del Principáu d'Asturies (ed.): «RESOLUCIÓN de 13 de abril de 1998, de la Consejeria de Cooperacion, por la que se otorga la bandera al concejo de Santa Eulalia de Oscos.» (castellán) (13 d'abril de 1998). Consultáu'l 25 d'agostu de 2022.

Enllaces esternos

• Bandera de Santalla d'Ozcos en Flags of the World

• Datos: Q113617716