José Luis Campal

José Luis Campal
Vida
Nacimientu	Uviéu, 1965 (58/59 años)
Nacionalidá	España
Estudios
Llingües falaes	castellanu; asturianu; portugués
Oficiu	críticu lliterariu

José Luis Campal Fernández (1965, Uviéu) ye un escritor n'asturianu, castellanu y portugués. Poeta visual y críticu lliterariu, miembru del Real Institutu d'Estudios Asturianos (RIDEA) y de la Sociedá de Lliteratura Española del Sieglu XIX (SLES XIX). Fundó en 1991 la revista ensamblada d'esperimentación visual El Paraísu qu'algamó en 2018 los 110 númberos.

Biografía

Llicencióse en lliteratura española na Universidá d'Uviéu. Foi comisariu de les esposiciones que se-y dedicaron a Ramón de Campoamor, Marta Portal, Alejandro Casona y El Quixote y Asturies. Los sos artículos fueron publicaos en Bulletin Hispanique, Archivum, Los Cuadiernos del Norte, BRIDEA, Acta Lliteraria, Boletín de la Biblioteca Menéndez Pelayo, Sieglu Diecinueve, Acotaciones, ALEC, Cuadiernos pa Investigación de la Lliteratura Hispánica, Lletres Peninsulares, Dicenda, La Tribuna, etc. Investigó la obra de Palacio Valdés, Blasco Ibáñez, Cela, Manuel Pilastres, José León Delestal, Vital Aza, Clarín, López de Saa, etc. Tamién foi editor lliterariu de poesía y teatru n'asturianu, publicando obra de Marcos del Torniello, Rufino Martínez Vázquez, Pepín Quevedo, Benitu Canella, Fabricio, etc. Dende 2006, y hasta la desapaición de la publicación en 2015, foi miembru del conseyu editor de la revista asturiana de teatru La Ratonera.

Obres

Teatru

El sorbete (1996)
Canalones (2011)

Poesía social (triloxía)

Pancartes, Córdoba, Detorres Editores, 2015
Pintaes, Navarrés (Valencia), Babilonia Ediciones, 2016
Pasquinos, Benavente (Zamora), Editorial PiEdiciones, 2017

Referencies

Enllaces esternos

José Luis Campal en La Ratonera