Zangbeto
Los Zangbetos son los guardianes de la nueche tradicionales del vudú na relixón yoruba de Benín y Togu. Similares a los egungunes, son altamente veneraos y actúen como la fuercia policial non oficial patrullando les cais, vixilando a la xente y rastrexando a los criminales pa presentalos a la comunidá y que sían castigaos.[1] Orixinalmente creaos p'asustar a los enemigos, dizse que los zangbetos analayen peles cais pa detectar lladrones y bruxes y p'aprovir la llei y l'orde.
| Zangbeto | ||
|---|---|---|
| Información | ||
| [editar datos en Wikidata] |
Descripción
editarLos zangbetos son amarutes que se fabriquen asemeyándose a un payar. Una vegada llistos considérase que son aptos pa cayer nun trance que, según la tradición, dexa que los sos cuerpos sían habitaos por espíritus que tienen una conocencia especial de les aiciones de les persones.[1] Comoquier, la lleenda yoruba diz que nun hai humanos sol disfraz, solu espíritus de la nueche.
Tradicionalmente, los zangbetos yeren la policía de Benín y fueron los guardianes principales de la llei nel país antes del establecimientu oficial de la llei. Dizse que formen una sociedá secreta que solo puede ser atendida por zangbetos, y dizse que cuando tán en trance tienen habilidaes máxiques, como tragar esquirlas de vidriu ensin recibir nengún dañu y axorizar inclusive a les bruxes.[1] Nun trance, dizse que'l zangbeto remembra un poder qu'habita na tierra muncho primero de l'apaición del humanu y aprove una fonte de conocencia y continuidá a la xente de Benín.
Referencies
editar- ↑ 1,0 1,1 1,2 Butler 2006, p. 32.
Bibliografía
editar- Butler, Stuart, Benin, Guilford, Connecticut: Bradt Travel Guides, The Globe Pequot Press, ISBN 1-84162-148-X
Enllaces esternos
editar
