Quema de la catedral de Notre-Dame de París

La Catedral de Notre-Dame de París sufrió una quema qu'entamó na tarde del 15 d'abril de 2019 nel techu del edificiu y asucó daños abundosos. L'aguya de la catedral y la techume colapsaron y tanto l'espaciu interior como munches pudencies foron dañaos. La quema produxose accidentalmente, por motivos aínda desconocíos.

Quema de la catedral de Notre-Dame de París
Xeneral
Tipu	incendio de estructura (es)
País	Francia
Sede	Catedral de Notre-Dame de París
Coordenaes	48°51′11″N 2°20′59″E
Quema de la catedral de Notre-Dame de París Quema de la catedral de Notre-Dame de París (Francia)
Otros datos
Data de principiu	15 d'abril de 2019
Data de fin	16 d'abril de 2019

Contestu

La catedral data del sieglu XII y cuenta con una mestura de mampostería —qu'ofrez sofitu estructural— y madera pelos techos principales y aguya. Ésta yera una recreación decimonónica de roble anubiertu de plomu de la retirada en 1786.

Los bomberos por aciu de los medios de comunicación franceses dixeron que la quema podría tar rellacionada coles obres de renovación que precisaba'l edificiu depués d'una apellada d'emerxencia en 2018. La renovación llevóse a cabu mediante donaciones; el reconocíu escalador Alain Rober, per expemplu, escaló un rascacielos para sofitar na recaudación de fondos.

Alzáronse dalgunos andamios alredor de los techos y tanto les estatues de piedra como les de bronce retiráronse del llugar enantes d'entamar les llabores de renovación. Philippe Villeneuve, arquiteutu, aseguró en xunu de 2017, cuando aniciaba a aumentar la preocupación, que «la contaminación yera la principal culpable».​

L'aguya taba arrodiada d'estatues de cobre de los doce apóstoles, en cuatro grupos de tres, cada grupu nún delos puntos cardinales. A cada ún de los cuatro grupos precedíalos un animal que simbolizaba a los cuatro evanxelistes: un güe para San Llucas, un lleón para San Marcos, una águila para San Xuan y un ánxel para San Mateo. Díes antes de la quema, toles estatues foron recoyides para entamar les llabores de restauración.

Desendolcu

Según el fiscal de París, Rémy Heitz, surtiose una primer alarma a les 6:20 pm. Produzse un procedimientu para esaniciar les duldes, pero nun paez que se produza nenguna quema. Una segunda alerta dase a les 6:43 pm: al poco observarse una quema nel marcu. Llegaos unos quince minutos dempués, los bomberos nun llogren controlalo. Multitud d'espectadores asisten al acontecimientu.

A les 7:57 pm, l'aguya central colapsa. A les 8:59 pm, el fueu paez recuperar intensidá, llegando a la torre norte de la catedral. A les 9:07 pm, un periodista de France Info presente na isla de la Cité notó que la torre norte taba empezando a amburase, lo cual ye confirmáu pocu dempués.

Consultada la posibilidá de dexar cayer agua a baxu altor, la Direición xeneral de seguridá civil amosó'l so desalcuerdu énte esta solución, el pesu de l'agua puede debilitar los cimientos de la catedral. Un voceru del cuerpu de Bomberos de París declaró qu'importantes medios d'intervención fueron movilizaos y que bomberes del departamentu de París lleguen en refuerzu.

Poco enantes de les 10 pm, el Secretariu d'Estáu del Interior, Laurent Núñez, llegó al llugar, anuncia a la prensa que'l rescate de la catedral ta en marcha y moviliza a unos cuatrocientos bomberos y l'usu de dieciocho mangones. Poco primero de les 11 pm, indica que la estructura del edificiu, especialmente'l campanariu del norte, pudo ser salváu.

Enllaces esternos

• Wikimedia Commons acueye conteníu multimedia sobre Quema de la catedral de Notre-Dame de París.

• Datos: Q63167656
• Multimedia: 2019 Notre-Dame de Paris fire