Wikipedia

N'acción

discu de Dixebra espublizáu en 2006

Dixebra n'Aición ye'l novenu álbum (nesti casu, CD+DVD) del grupu rock asturianu Dixebra. Ye'l primer discu en direutu que tienen, grabóse'l 3 de xunu de 2006 na Plaza'l Parche de la so ciudá natal, Avilés. Esti conciertu entamólo y xestionólo'l propiu grupu, con motivu del so XX aniversariu, y a él acudieron más de 3000 persones.

N'acción
Datos
Tipu álbum en direutu
Distribución CD+DVD
Álbum Dixebra's albums in chronological order (en) Traducir
Intérprete Dixebra
Idioma asturianu
Xéneru rock
Sellu discográficu Discos L'Aguañaz
Fecha publicación 23 payares 2006
Duración 73 minutos
Núm. cantares 20 pista musical (es) Traducir (discu compautu)
22 video clip (es) Traducir (DVD)
Cambiar los datos en Wikidata

El trabayu espublizólo L'Aguañaz y tien 20 cantares nel CD y 22 nel DVD, dexando dellos temes ensin espublizar, puesto que nel conciertu tocaren 28. El fechu de dexar dellos temes consideraos "clásicos" foi un tema que dio munchu que falar, y el mesmu Xune Elipe, voceru del grupu, reconociólo, anque quedó contentu col resultáu. El DVD fízolo'l ḷḷuarqués Guillermo Fernandi y amestó-y como extres un documental de 45 minutos sobro'l grupu, tomes falses y los tres videoclips que tien el grupu.

La formación de Dixebra nel conciertu foi: Xune Elipe (voz), Primi (guitarra), Javi (baxu), Jorge (batería), Fernando (gaita), Agus (trompeta), Eladio (saxo) y Sergio nos controles de soníu. Amás andecharon con ellos demientres tol conciertu Toño Gómez (trombón), Dani Antistylo (DJ) y Mario Fueyo "Dark la eMe" (teclaos), y nel cantar La danza participó como vocalista'l conocíu Xosé Ambás, miembru de grupos folk tradicionales como N'Arba o Tuenda. Nos controles de grabación tuvo'l músicu y productor vascu Kaki Arkarazo.

Dende esti conciertu, Mario Fueyo tamién forma parte de Dixebra, convirtiéndose nel novenu miembru del grupu.

Como anécdotes, dicir que nel DVD pue vese la participación de mozos de la Xunta Moza, asina como de los sidros.

Llistáu de cantares editar

CD

  1. Día del ciclón (d'Ensin novedá)
  2. Rompi'l ritmu (d'Ensin novedá)
  3. Asturalia (de ¿Asturies o trabayes?)
  4. Díes de comedia (de Sube la marea)
  5. Indios (de Dieron en duru)
  6. Vieyu combatiente (de Ensin novedá)
  7. Ezeiza (de Sube la marea)
  8. Cañicón (d'Apúntate a la llista)
  9. Pallabres vieyes (d'Apúntate a la llista)
  10. Dime cómo ye (de Sube la marea)
  11. Ensin novedá (d'Ensin novedá)
  12. La danza (de Glaya un país)
  13. Grieska (de Grieska)
  14. Rapaza nacionaliega (de Grieska)
  15. El manteru (d'Ensin novedá)
  16. Nesti mundiu traidor (de Dieron en duru)
  17. Mañana fría (de Glaya un país)
  18. La partida (de Glaya un país)
  19. Duérmite neñu (d'Apúntate a la llista)
  20. Canciu d'amor (d'Apúntate a la llista)

DVD

  1. Día del ciclón (d'Ensin novedá)
  2. Rompi'l ritmu (d'Ensin novedá)
  3. Asturalia (de ¿Asturies o trabayes?)
  4. Díes de comedia (de Sube la marea)
  5. Indios (de Dieron en duru)
  6. Vieyu combatiente (d'Ensin novedá)
  7. La caballería (d'Ensin novedá)
  8. Ezeiza (de Sube la marea)
  9. Cañicón (d'Apúntate a la llista)
  10. Pallabres vieyes (d'Apúntate a la llista)
  11. Dime cómo ye (de Sube la marea)
  12. Ensin novedá (d'Ensin novedá)
  13. La danza (de Glaya un país)
  14. Grieska (de Grieska)
  15. Rapaza nacionaliega (de Grieska)
  16. Nesti mundiu traidor (de Dieron en duru)
  17. Mañana fría (de Glaya un país)
  18. La partida (de Glaya un país)
  19. Duérmite neñu (d'Apúntate a la llista)
  20. Tía Nemesia (de ¿Asturies o trabayes?)
  21. Nun llores (de Dieron en duru)
  22. Canciu d'amor (d'Apúntate a la llista)


Referencies editar

Enllaces esternos editar

Sacáu de «https://ast.wikipedia.org/w/index.php?title=N%27acción&oldid=3716926»