Eulipotyphla

Eulipotyphla;
	Rangu temporal: Paleocenu - Reciente
Clasificación científica
Reinu:	Animalia
Filu:	Chordata
Subfilu:	Vertebrata
Clas:	Mammalia
Infraclas:	Placentalia
Superorde:	Laurasiatheria
Orde:	Eulipotyphla; Waddell, 1999
Subórdenes
	Erinaceomorpha; Soricomorpha;
Consultes
	[editar datos en Wikidata]

Los eulipotiflanos son un orde de mamíferos qu'axunta a los antiguos órdenes Erinaceomorpha y Soricomorpha, por tanto inclúi los corpuspinos, gimnuros, topos, musarañes, falcatrúes y solenodontes.^[1]

Esti orde inclúi alredor 370 especies. Los eulipotiflanos habiten en tolos continentes sacante L'Antártida y Oceanía, la mayor parte de les especies de eulipotiflanos habiten nel Vieyu Mundu, ente qu'América pela so parte cunta con poques especies de eulipotiflanos.

Característiques y hábitat

Solenodonte.

Musaraña.

Los eulipotiflanos son animales pequeños con focicos llargos y apuntiaos, miden aproximao alredor de 8 a 30 cm. Les sos fórmules dentales son variables y tán afeches pa sostener y entartallar les sos preses. La mayoría son peludos sacante los corpuspinos que tienen escayos que lu sirven pa defendese de los sos depredadores. Afixéronse a tolos biomas dende los montes a los desiertos.

Son animales solitarios y xeneralmente nocherniegos anque dellos si suelen tar activos mientres el día. Toos caven llurigues o fuexos pa caltenese a salvo de los sos depredadores. Aliméntense principalmente d'invertebraos como (insectos, merucos, ente otros más) y por ello considérense insectívoros, dalgunos son omnívoros y puen consumir plantes y hongos. La reproducción ye más frecuente mientres la primavera y la seronda, les femes puen tener ente 2 y 8 críes per camada, dependiendu de la especie. La llonxevidá depende de la especie por casu les musarañes tienen un permediu de vida d'un añu, ente que los corpuspinos puen vivir hasta 8 años. Los sos depredadores suelen ser (aves de presa, llagartos, culiebres, grandes sapos y carnívoros como mustélidos, cánidos y pequeños félidos).