Trainspotting (novela)
- Para otros usos d'esti términu, vease Trainspotting (película).
Trainspotting ye la primer novela de Irvine Welsh, publicada en 1993. Nun tonu bastante patéticu y al empar humorísticu, la novela desenvuelvese a finales de los años 80s y trata l'aspra, colorida y brengosa vida d'un grupu de mozos heroinómanos, sacupaos, borrachos y adictos al fútbol, sexu y rock and roll que nacieron nel llau duru de la vida, que nun tienen otra salida qu'escapar o amortiguar el dolor d'esistir (porque saben que nada o casi nada va camudar) y que s'arreyen n'actividaes ilícites y destructives que funcionen tamién como adicciones y combustible para dexase llevar. Ta escrita como rellatos curtios interrellacionaos n'escocés, escocés británicu ya inglés británicu usando muncha xíriga caleyera típica del círculu social y llugares de procedencia de los personaxes como Leith y Edimburgo.
| Trainspotting (novela) | ||||
|---|---|---|---|---|
| obra lliteraria | ||||
| Datos | ||||
| Autor | Irvine Welsh | |||
| Fecha | 1993 | |||
| Llingua de la obra | inglés y escocés | |||
| Editorial orixinal |
Harvill Secker (es)  | |||
| País orixinal |
 Escocia | |||
| OCLC | 34832527 | |||
| Personaxes |
| |||
| Llugar de la narración | Edimburgu | |||
| Obres derivaes | Trainspotting y T2 Trainspotting | |||
| ||||
 | ||||
Pola so épica faria, foi darréu celebrada polos críticos (foi llamada pol Sunday Times "la voz del punk que creció más sabia y más elocuente") y lleida tamién por aquellos que raramente s'averen a los llibros. La novela convirtióse n'unu de los acontecimientos lliterarios —y tamién extraliterarios— de la última década y adquirió un estatus de cultu sumada al ésitu local de l'adaptación al teatru y del ésitu mundial de película basada nésta: Trainspotting (1996) dirixida por Danny Boyle. Años más tarde, Welsh escribió una remortina llamada Porno en 2002 y una precuela llamada Skagboys en 2012.
Procedencia del nome
editarEl títulu "Trainspotting" fai referencia a un pasaxe del llibru nel que Renton y Begbie conocen a un borrachu nuna estación de ferrocarril abandonada. Dambos usen la estación para faer les sos necesidaes y el borrachu pregúnta-yos, intentando faer un chiste, si tán faciendo "Trainspotting". Esi términu anglosaxón trainspotting utilízase para referise a l'afición relativamente popular en Reinu Uníu de reparar los trenes pasar. Esti hobby ye similar al planespotting con aviones en cuenta de trenes. Pero tamién resulta un xuegu de pallabres, pos los heroinómanos na so xíriga llamen trains a la forma de les venes del brazu veins y el xerundiu spotting intercambiase con facilidá por potting (meter nun tarru).
Personaxes principales
editar- Mark Renton
(Tamién llamáu Rent boy o Rents) Ye'l personaxe principal y antihéroe de la novela. Renton ye la voz de la "relativa" cordura ente'l so grupu d'amigos, munchos de los cualos nun la pueden soportar. Él narra'l so día ente día (dende costear la so adicción a la heroína con dineru del subsidiu de desemplegu que da'l gobiernu y dellos furtos pa poder interactuar col mundu normal") con un cínicu humor negro. Ye capaz d'encaxar lo suficientemente bien na sociedá, ye más o menos curiosu y d'intelixencia percima del permediu, pero ye misántropu y sufre de depresión, por eso fai de la so adicción una escusa para atopa-y significáu a la so vida. Na película ye interpretáu por Ewan McGregor.
- Simon "Sick Boy" Williamson
Un arteru, promiscuo ya inmoral estafador y el más antiguu amigu de Renton. Conquista muyeres con facilidá al pavonearse frente a los sos amigos. Ta siempres pindiu d'estafes potenciales, y a pesar de la so amistosa y encantadora apariencia, trata a les muyeres que seduz con daqué más que despreciu. A la fin del llibru conviértese nun descaráu chulu de mocines. Escencialmente ye una combinación d'héroe byroniano y villanu que se convierte más inmoral dempués de la muerte de la so fía Dawn, quien s'afuega mientres la so madre Lesley y él tán drogándose con heroína (De dientes para fuera, Sick Boy niega la so responsabilidá paternal inclusive años dempués del tráxicu fechu, pero ta implícitu que se culpa pola muerte del ñácaru). Sick Boy considerase a sí mesmu superior a los demás y interactúa con llinguaxe moderáu de fibra moral a pesar de ser unu de los personaxes más superficiales ya insensibles de la novela. Cuando piensa en sí mesmu, de cutiu imaxínase falando con Sean Connery. Mientres Begbie representa la inevitable ya irrefugable violencia del antihéroe del llibru, Sick Boy representa la fría y calculada conveniencia, el tipu de vida que Renton tendría si nun tuviera reconcomios de conciencia. Na película ye interpretáu por Jonny Llee Miller.
- Daniel "Spud" Murphy
El inocente ya infantil Spud ye coles mesmes el chivu espiatoriu y la fonte de confort del círculu d'amigos de Renton, que sientense genuinamente protectores con él a pesar de que s'aprovechen de la so inxenuidá y ye oxetu de les sos repitíes burlles. Anque los sos deos axilosos sírvenlu pa robar coses, Spud ye notablemente muncho más atentu que tolos sos amigos, demostrando, por casu, el so amor y respetu polos animales. Spud representa'l productu d'una sociedá indiferente a los males sociales; ye adictu a la heroína porque se siente bien y porque por dicir la verdá, nun se siente capaz de consiguir nada, nin siquier cuando nun ta drogáu nin borrachu. Spud ye unviáu a la prisión de Saughton mientres una parte de la novela por un robu de poca cuantía. Na película ye interpretáu por Ewen Bremner.
- Francis "Franco" Begbie
Un sicópata violentu. Begbie infunde terror nos sos "amigos" si-y lléven la contraria con cualquier cosa que diga o piense y cutelos brutalmente cuando lo faen enfurecer. Espresa una llealtá intensa escontra ellos, pero considera a los drogadictos desechables y la más inferior forma de vida qu'esiste, anque él mesmu viva enferronáu al alcohol y muncho más a l'adrenalina de la violencia. Ye parte de la pandilla YLT (Young Leith Team). Na película ye interpretáu por Robert Carlyle.
- Davie Mitchell
- Tommy Lawrence (Llamáu McKenzie na película)
- Rab "Second Prize" McLaughlin
Personaxes secundarios
editar- Dianne Coulston: Adolescente de 14 años (15 na película) cola que Renton tien rellaciones (inorando la so edá, pero sorprendíu pola so esperiencia sexual) depués de conocela nuna discoteca. A la mañana siguiente, Renton almuerza colos sos padres (confundiéndolos colos sos compañeros de vivienda) y ella baxa a la mesa vistida d'escolina, llista pa dir al colexu. En Porno, Dianne remanez (yá mayor d'edá) como l'interés amorosu de Renton. Na película ye interpretada por Kelly Macdonald como Diane.
- Kelly
- Mikey Forrester
- Johnny "La Madre Superiora" Swan
- Raymond "Raymie" Airlie
- Craig "Seeker" Liddel
- Michael "Skreel"
- Nina
- Lesley
- Nina
- Sharon
- Veronica y Jane
Frases célebres
editar- De la traducción d'Anagrama ISBN 978-84-339-6643-8
«Elige la vida, Elige pagar hipotecas; elige lavadoras; elige coches; elige sentarte en un sofá a ver concursos que embotan la mente y aplastan el espíritu, atiborrándote la boca de una puta comida basura. Elige pudrirte en vida, meándote y cagándote en una residencia, convertido en una puta vergüenza total para los hijos egoístas y hechos polvo que has traído al mundo. Elige la vida.»
«La muerte es un proceso más que un suceso.»
«La heroína es una droga honesta porque te arranca todas esas ilusiones de las que llenas tu vida para convencerte de que todo carece de sentido.»
«No son las drogas y el licor quienes hablan, soy yo.»
«Es la historia de mi puta vida. Llegar demasiado pronto, emborracharme o drogarme de puro aburrimiento y cagarla, o llegar demasiado jodidamente tarde.»
Referencies
editarEnllaces esternos
editar
Datos: Q11279562
