Segmentu E
El segmentu E ye un segmentu d'automóviles que s'alluga ente los segmentos D y F. Xeneralmente tienen espaciu pa cinco adultos, anque delles carauterístiques faen que s'afaiga meyor pa cuatro persones, por casu por cuenta de la forma de los asientos, o'l túnel central traseru nel casu de modelos con tracción trasera.
Anguaño, estos automóviles miden aproximao ente 4,75 m y 4,95 m de llargu, y predominen en carrocería sedán, liftback y familiar. Los sos motores suelen tener ente cinco y ocho cilindros y ente 2,4 y 5,0 llitros de cilindrada, anque hai tamién cuatro cilindros de 2,0 llitros y deportivos d'hasta diez cilindros o 6,2 llitros.
Un automóvil de turismu del segmentu E suelse denominar "berlina grande" o "berlina mediana grande", anque hai otros términos similares provenientes d'otros idiomes. Un automóvil touterrén d'esti segmentu llámase "touterrén medianu" o "medianu grande".
Ver tamién
editar- Clasificación d'automóviles
- Llista de modelos d'automóviles de turismu del segmentu E
- Llista de modelos d'automóviles touterrén del segmentu E
- Cronoloxía de los modelos d'automóviles de turismu del segmentu E
- Cronoloxía de los modelos d'automóviles touterrén del segmentu E
- Tabla de dimensiones de modelos d'automóviles del segmentu E
Referencies
editarEnllaces esternos
editar
Wikimedia Commons tien conteníu multimedia tocante a Segmentu E.
Datos: Q17105090- Multimedia: Executive cars
