Conchi Ríos
Conchi Reyes Ríos (11 de marzu de 1991, Murcia), más conocida como Conchi Ríos, ye una torera española.
Conchi Ríos | |
|---|---|
 | |
| Vida | |
| Nacimientu | Murcia, 11 de marzu de 1991 (33 años) |
| Nacionalidá |
 España |
| Estudios | |
| Llingües falaes | castellanu |
| Oficiu | torera |
| Premios |
ver
|
 | |
Biografía
editarRíos nació en Murcia en 1991, nel senu d'una familia na que naide se dedicaba al mundu del toru.[1] Los sos güelos conocieron el so entusiasmu polos toros cuando tenía 15 años, mientres un eventu en La Condomina; el so güelu llevó-y a unes fiestes a que viera un magüetu de cerca pero, lloñe d'asustase, avorose a él con un capote y dende entós deseyó ser torera.[2]
Apuntóse a la escuela de tauromaquia de Murcia, onde toreó vaques, y darréu la so preparación llevola a Cádiz, Granada, Sevilla, Albacete y Madrid. Fixo'l so debú en públicu'l 23 de setiembre de 2007.[1] Debutó con picadores en Granada'l 8 de xunu de 2009, nun cartelu que compartía con Luis Miguel Casares y "El Nico", con novillos de Lagunajanda. Presentóse en Las Ventas (Madrid) el 10 de xunetu de 2011, nun eventu nel que compartió cartelu con López Simón y Jiménez Fortes, con novillos de José Cruz; esi mesmu día convirtióse na primer muyer en cortar dos oreyas d'un mesmu toru.[1]
Dempués d'aquello pasó cuasi tres años ensin torear. Aprovechó pa retomar los estudios y llograr l'accesu a la universidá. Depués foise a Perú, onde les condiciones yeren peores, ensin apenes seguridá.[2] Tornó a España, onde siguió colos sos estudios.
En 2015, según los datos del Ministeriu d'Educación, Cultura y Deporte, yera una de los cinco toreras españoles nuna llista de 825.[2] Tomó l'alternativa'l 9 de xunu de 2016 en Cehegín (Murcia), compartiendo cartelu con El Cordobés y Antonio Puerta, con toros de Guadalmena.[3][1]
Esi mesmu añu foi escoyida pola BBC como una de les 100 muyeres más influyentes de 2016, siendo la única española ente les 20 europees escoyíes; d'ella destacaron ser una de los cuatro muyeres toreres frente a una llista de 820 homes, y la frase "Creo na igualdá de muyeres y homes.[4][5] Tol mundu tien que lluchar polo que ye y polo que quier faer na vida".[6]
Referencies
editar- ↑ 1,0 1,1 1,2 1,3 Tauroweb.es. «Conchi Ríos». Consultáu'l 27 de payares de 2016.
- ↑ 2,0 2,1 2,2 Nadales, Javier (23 de payares de 2016). La última torera de España. https://www.elmundo.es/papel/historias/2016/11/22/5832ed4c468aebeb278b45b0.html. Consultáu'l 27 de payares de 2016.
- ↑ Conchi Ríos: «Quiero hacer historia en el toreo como mujer por aquellas que no consiguieron llegar a la meta». 5 de xunu de 2016. http://www.laopiniondemurcia.es/sociedad/2016/06/04/conchi-rios-quiero-historia-toreo/742898.html. Consultáu'l 27 de payares de 2016.
- ↑ (n'inglés) BBC 100 Women 2016: Who is on the list?. 21 de payares de 2016. http://www.bbc.com/news/world-38012048. Consultáu'l 27 de payares de 2016.
- ↑ Llanos Martínez, Héctor (24 de payares de 2016). La torera murciana Conchi Ríos, única española en la lista de mujeres influyentes de la BBC. http://verne.elpais.com/verne/2016/11/24/articulo/1479984313_188540.html. Consultáu'l 27 de payares de 2016.
- ↑ La torera Conchi Ríos incluida en la lista de la BBC de las 100 mujeres más influyentes del mundo. 23 de payares de 2016. https://www.elmundo.es/cultura/2016/11/23/5835e224268e3e29398b45df.html?cid=MNOT23801&s_kw=la_torera_conchi_rios_incluida_en_la_lista_de_la_bbc_de_las_100_mujeres_mas_influyentes_del_mundo. Consultáu'l 27 de payares de 2016.
Enllaces esternos
editar
Wikimedia Commons acueye conteníu multimedia sobre Conchi Ríos.- Conchi Ríos en Twitter
Datos: Q27919011- Multimedia: Conchi Ríos
