Ramiro de León Carpio

Ramiro de León Carpio (12 de xineru de 1942, Ciudá de Guatemala – 16 d'abril de 2002, Miami) foi'l cuarentenu tercer presidente de Guatemala. Foi nomáu nel cargu pol Congresu de Guatemala, ensin tar afiliáu por nengún partíu políticu, depués de la destitución de Jorge Serrano Elías. Mientres el so mandatu fixeron reformes a la Constitución de Guatemala y depúrose el Congresu.

Ramiro de León Carpio
31. Presidente de Guatemala 6 xunu 1993 - 14 xineru 1996 ← Gustavo Adolfo Espina Salguero - Alvaro Arzú → Presidente del Congreso de la República de Guatemala (es) xunetu 1984 - xineru 1986 Diputado del Congreso de Guatemala (es)
Vida
Nacimientu	Ciudá de Guatemala, 12 de xineru de 1942
Nacionalidá	Guatemala
Muerte	Miami, 16 d'abril de 2002 (60 años)
Sepultura	Campusantu de la Ciudá de Guatemala
Causa de la muerte	Coma diabético (es)
Familia
Casáu con	Mayra Duque
Estudios
Estudios	Universidá de San Carlos de Guatemala Liceo Javier (es)
Oficiu	políticu, abogáu
Creencies
Partíu políticu	Frente Republicano Guatemalteco (es) (de 1999 a 2002) políticu independiente (de 1989 a 1999) Unión del Centro Nacional (es) (de 1983 a 1989)

Ramiro de León Carpio morrió'l 16 d'abril de 2002 na ciudá d'Estaos Xuníos de Miami, Florida.

Vida profesional

Nacíu'l 12 de xineru de 1942 na ciudá de Guatemala. Llicenciáu en Ciencies Xurídiques y Sociales na especialidá de Derechu Constitucional. Tien los títulos d'abogáu y notariu.

Ente les sos actividaes estudiantiles figura'l ser presidente de l'Asociación d'Estudiantes de la Universidá Rafael Landívar mientres el periodu de 1968-69. Direutor de la revista Cara Parens y del periódicu Sol Landivariano.

Ente les sos actividaes docentes cabo destacar la de catedráticu de Derechu Constitucional, de Derechu Constitucional Comparáu, d'Introducción a dereches y de Ciencies Polítiques na citada Universidá.

Vida política

De 1967-69 foi asesor de la Seición del Mercáu Común nel Ministeriu d'Economía. Secretariu xeneral del Conseyu d'Estáu de 1970-74 y xerente xeneral de l'Asociación d'Azucreros de Guatemala 1981-83.

Nel ámbitu políticu foi fundador y candidatu a la Vicepresidencia del partíu Unión del Centru Nacional (UCN) del que foi primer secretariu xeneral de 1983-86, partíu del que darréu se desvenceyó. Foi diputáu de l'Asamblea Nacional Constituyente de 1984-86.

Foi coles mesmes presidente de la "Comisión de los Trenta" qu'aldericó y aprobó el Proyeutu de Constitución de 1984 al 86.

Foi fundador y presidente del Institutu d'Investigación y Capacitación Atanacio Tzul (ICAT); presidente del Conseyu de la Sociedá Civil Centroamericana pa la Paz (COCEPAZ) Como Procurador de los Derechos Humanos, cargu que desempeñó hasta ocupar la presidencia del país, foi agudu críticu del exércitu de Guatemala, al que responsabilizó por numberosos crímenes y la represión secular nesi país istmeño.

Gobiernu (1993-1996)

El 6 de xunu de 1993 el Congresu de Guatemala escoyó so xuramentu a Ramiro de León Carpio como Presidente de la República, dando fin a la crisis pola socesión presidencial amenada ante l'acusación de corrupción que recayó sobre l'entós ex-xefe d'estáu guatemalianu, Jorge Serrano Elías (1991-1993).

Enllaces esternos

• Biografía pol CIDOB

• Datos: Q539891
• Multimedia: Ramiro De León Carpio