Wulfstan de York
Wulfstan (fecha desconocida – 28 de mayu de 1023, York), tamién llamáu en llatín Lupus ("Llobu"), foi un clérigu ya intelectual inglés. Exerció socesivamente como obispu de Londres (996), obispu de Worcester (dende 1002 hasta 1016) y obispu de York (dende 1002 hasta la so muerte). Como obispu de York ye numberáu como Wulfstan II, pa estrema-y d'otru obispu Wulfstan muertu en 956.
Wulfstan de York | |||||||
|---|---|---|---|---|---|---|---|
1003 - ← Ealdwulf - Ælfric Puttoc → Diócesis: Archidiócesis católica de York (es) 
1003 - ← Ealdwulf - Leofsige (es) → Diócesis: Diócesis católica de Worcester (Inglaterra) (es)
996 - ← Ælfstan (es) - Ælfwine (en) → Diócesis: Antigua diócesis de Londres (es) | |||||||
| Vida | |||||||
| Nacimientu | fecha desconocida | ||||||
| Muerte | York, 28 de mayu de 1023[1] | ||||||
| Sepultura | Catedral d'Ely[1] | ||||||
| Estudios | |||||||
| Llingües falaes | llatín | ||||||
| Oficiu | sacerdote católicu, escritor, politólogu, obispu católicu | ||||||
| Creencies | |||||||
| Relixón | Ilesia Católica[2] | ||||||
 | |||||||
El segundu Wulfstan de York foi autor de numberoses obres en llatín y na llingua vernácula de la Inglaterra de la dómina (el inglés antiguu o anglosaxón). Ente les más importantes tán la homilía llatina: el Sermo Lupi ad Anglos ("Sermón de Llobu a los anglos", 1014), que'l so tema ye la interpretación providencialista de les invasiones daneses del Danelaw (seríen un castigu de Dios polos pecaos de los cristianos); y el testu n'inglés antiguu Institutes of Polity (1008-1010), onde define la teoría triestamental como xustificación del orde social feudal. Tamién tuvo un papel importante na redaición de lleis nos reinaos d'Etelredo II l'Indecisu y Canutu'l Grande.
Foi'l más importante orador, líder espiritual y teóricu políticu inglés del so tiempu. Rellacionóse especialmente con Aelfrico, obispu de Canterbury y otru importante escritor en llingua anglosaxona.
Nel Book of Ely ("Llibru de Ely") recuéyese dalguna información haxográfica de la so figura (a pesar de lo cual nun consta que fuera nunca consideráu como santu), xunto con otros datos, como la so nacencia por cesárea y la consiguiente muerte de la so madre, de noble familia. Foi soterráu en Ely.
El so sobrín, tamién llamáu Wulfstan, foi darréu obispu de Worcester (1062-1095).
Referencies
editar- ↑ 1,0 1,1 Afirmao en: The Wiley Blackwell Encyclopedia of Anglo-Saxon England. Páxina: 563. Editorial: John Wiley & Sons. DOI: 10.1002/9781118316061. Llingua de la obra o nome: inglés. Data d'espublización: 2014.
- ↑ Afirmao en: Catholic-Hierarchy.org. Identificador Catholic Hierarchy de persona: wulfsn. Data de consulta: 17 ochobre 2020. Llingua de la obra o nome: inglés.
Enllaces esternos
editar- Wulfstan's Eschatological Homilies Archiváu 2015-09-27 en Wayback Machine
- Sermo Lupi ad Anglos
- Institutes of Polity Archiváu 2015-10-29 en Wayback Machine
- Prosopography of Ango Saxon England entry on Wulfstan Archiváu 2016-03-03 en Wayback Machine
- Wulfstan Criticism (enllaz rotu disponible n'Internet Archive; ver l'historial y la última versión).
Datos: Q1236490
