Clemencia d'Hungría
Clemencia d'Hungría (1293-1328), reina consorte de Francia y de Navarra, foi fía de Carlos Martel d'Anjou, rei titular d'Hungría, y de Clemencia d'Habsburgu, fía de Rodolfo I, Rei de Romanos. Clemencia yera hermana menor del rei Carlos I d'Hungría.
Clemencia d'Hungría | |
|---|---|
 | |
| Vida | |
| Nacimientu | Nápoles, 8 de febreru de 1293[1] |
| Nacionalidá |
 Francia |
| Muerte | París, 13 d'ochobre de 1328 (35 años) |
| Sepultura |
Convento de los Dominicos de la calle Saint-Jacques (es)  |
| Familia | |
| Padre | Carlos Martel d'Anjou-Sicilia |
| Madre | Clemencia d'Habsburgu |
| Casada con |
Luis X (es) (1315 (Gregorianu), 1315 (Gregorianu) – 1316 (Gregorianu))[2] |
| Fíos/es | |
| Hermanos/es |
|
| Pueblu | Casa d'Anjou-Sicilia |
| Estudios | |
| Llingües falaes | francés |
| Creencies | |
| Relixón | cristianismu |
 | |
Biografía
editar
Tres la muerte ensin descendientes varones del rei Ladislao IV d'Hungría en 1290, la reina napolitana María d'Hungría, fía del rei Esteban V d'Hungría reclamó de momentu'l tronu húngaru. Ella dexó los sos derechos reales en favor del so fíu mayor Carlos Martel, padre de Clemencia d'Hungría. Sicasí, los húngaros coronaron como Andrés III d'Hungría, al descendiente del rei Andrés II d'Hungría, que naciera y crecíu en Venecia. A pesar de que Carlos Martel tomó en dos causes el títulu de Duque de Eslavonia (el cual yera tradición que los herederos al tronu adoptaren), viose impotente ante Andrés III, y nun consiguió averase a la so meta de llograr la corona húngara. En 1294 la so repentina muerte pola peste causó gran conmoción, y la reina María darréu tresfirió los derechos a Carlos Roberto, fíu mayor de Carlos Martel, y hermanu mayor de Clemencia d'Hungría. Tres la muerte d'Andrés III en 1301, producióse finalmente la desapaición de la Casa de Árpád, y tres un periodu caóticu de interregno, Carlos Roberto foi coronáu como rei d'Hungría.
Los trés hermanos, Carlos Roberto, Clemencia y Beatriz d'Hungría, nacieron en Nápoles y criáronse so la influencia de la so güela paterna María. Envalórase que falaba como llingua materna'l francés (pos la familia del so padre yera una caña de los reis de Francia) y l'italianu, pos naciera y criárase en Nápoles. Desconozse la influencia que pudo tener la so güela paterna y enseñalu daqué d'húngaru.
La güérfana Clemencia foi escoyida pola so familia y la política angevina pa convertise en reina de Francia, tres la muerte de Margarita de Borgoña nel castiellu de Château-Gaillard, onde taba prisionera por orde del so maríu Luis X de Francia, por ser acusada d'adulteriu. Clemencia casóse col rei (19 d'agostu de 1315) y foi coronada en Reims el 24 del mesmu mes.
Enviudó en xunu de 1316, amenándose en redol a ella'l problema de socesión, pos s'atopaba embarazada y de la resultancia de la xestación dependía'l tronu que taba ente la fía de Luis X y Margarita de Borgoña, Juana -sobre la que recayíen barruntos de bastardía pol adulteriu de la so madre- o'l so hermanu entá ensin nacer. El 15 de noviembre Clemencia d'Hungría dio a lluz a un varón, proclamáu darréu rei de Francia col nome de Juan I y soberanu del reinu so la rexencia del so tíu Felipe de Poitiers. Sicasí, el monarca neonato vivió tan solu cinco díes y finó'l 20 de payares, siendo asocedíu por Felipe, como Felipe V de Francia.
D'alcuerdu a los rellatos de Maurice Druon, nel so llibru "La Llei de los varones", Juan I, sobrevivió (anque nunca se supo alrodiu de la so esistencia) y pasó el restu de la so vida, cola nodriza que lo curió mientres la enfermedá qu'aquexó a la reina, depués del partu. En realidá, el neñu que finó, foi'l fíu d'esta nodriza, quien el día de la presentación reemplazó a Juan I, por cuenta de los barruntos que los sos curadores teníen de qu'él sería envelenáu como'l so padre Luis X.[3]
Tres la muerte del so fíu, Clemencia abandonó la corte y treslladóse al Palaciu del Temple y de ende a Avignon. En 1318 pasó a morar nel Conventu de Dominiques d'Aix-en-Provence. Retornó a París tres dellos años d'ausencia y finó'l 12 d'ochobre de 1328, a los 35 años d'edá. #Tres díes más tarde, el 15 d'ochobre, foi soterrada nel Conventu de los Jacobitas.
Referencies
editar- ↑ Afirmao en: Diccionario biográfico español. Identificador DBE: 14804/clemencia-de-hungria. Apaez como: Clemencia de Hungría. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ 2,0 2,1 Afirmao en: Kindred Britain.
- ↑ Droun, Maurice. Los Reyes Malditos, IV, La Ley de los varones. 1966. Tercera Parte. Capítulos 1,2 y 3.
Bibliografía
editar- Dümmerth, D. (1982). Az Anjou-ház Nyomában. Budapest, Hungría: Panoráma kiadó.
| Predecesor: Margarita de Borgoña |
Reina consorte de Francia y Navarra 1315-1316 |
Socesor: Xuana de Borgoña |
Datos: Q230081
Multimedia: Clementia of Hungary
