Diego Álvarez Chanca

Diego Álvarez Chanca (sieglu de XVEspaña – 1515) foi un médicu al serviciu de los Reis Católicos afincáu en Sevilla y que ye conocíu sobremanera por participar nel segundu viaxe de Cristóbal Colón al Nuevu Mundu en 1493-1494.[1]

Diego Álvarez Chanca
médicu Sabela d'Aragón

Vida
Nacimientu Españasieglu de XV
Nacionalidá España
Muerte 1515
Estudios
Llingües falaes castellanu
llatín
Oficiu médicu, escritorhistoriador
Cambiar los datos en Wikidata

Orixe y primeros años editar

Nun se sabe cuándo nin ónde nació. Créese que l'apellíu Chanca ye orixinariu d'Acebo (anguaño na provincia de Cáceres, polo que s'especuló que Diego Álvarez Chanca pudo nacer ellí.[2]

Foi médicu personal de la fía primoxénita de los Reis Católicos, Isabel.[2]

Viaxe a les Indies editar

Al poco d'amiyar en La Española (islla qu'anguaño comparten República Dominicana y Haití), Colón careció d'influenza suina,[3] qu'Álvarez curó con ésitu. Igualmente trataría a otros miembros de la tripulación que tamién carecieron de gripe mientres esti periodu. La so opinión tamién sería tenida en considerancia cuando se trataba d'escoyer el llugar onde establecer el primer asentamientu, Isabela.

Escontra'l final de la so estancia na isla Española, a principios de 1494, Diego Álvarez Chanca escribió una Rellación (carta) empobinada "al Cabildru de Sevilla", y en particular probablemente a Juan Rodríguez de Fonseca, que yera'l deán del cabildru de la catedral.[4] Nella consta una pervalible descripción de la isla de La Española, incluyendo estudios sobre la flora de les mariñes y la vexetación de montes y valles, lo cual refier nun estilu llano y curtio. Ésti ye'l primer documentu nel que se realiza una descripción sobre la flora, la fauna, la etnoloxía y l'etnografía d'América. Álvarez Chanca recoyó, amás, datos antropolóxicos alrodiu de los indíxenes, indicando les diferencies de calter y costumes ente los taínos y caribes, apuntando la posibilidá d'antropofaxa d'estos postreros.

Obres médiques editar

Tres el so regresu a España en febreru de 1494, publicó en 1506 un tratáu médicu tituláu Pa curar el mal de Banda, y en 1514 escribió Comentum novum in paráboles divi Arnaldi de Vilabona, una obra en llatín criticando'l llibru De conservanda juventute et retardanda senectute del médicu aragonés Arnaldo de Vilanova.

Referencies editar

  1. Diego Alvarez Chanca - Artículu de la Enciclopedia católica.
  2. 2,0 2,1 Hernández González, Justo Pedro (2012). «Alrededor de una biografía global del primer médico de América Diego Álvarez Chanca (circa 1450–post 1515)». Anuario de Estudios Atlánticos 1 (58):  páxs. 29–50. http://anuariosatlanticos.casadecolon.com/index.php/aea/article/view/1028. 
  3. GUERRA, Francisco & SÁNCHEZ TÉLLEZ, Mª del Carmen, Las enfermedades de Colón, En Quinto Centenario, Vol. 11, 1986, p. 21.
  4. Sagarra Gamazo, Adelaida (2009). «Diego Álvarez Chanca, primer espía n'América». Revista d'estudios colombinos (5):  páxs. 19–40. http://dialnet.unirioja.es/descarga/articulo/3064451.pdf. 

Enllaces esternos editar