José Bernardo de la Meana

José Bernardo de la Meana
Vida
Nacimientu	Uviéu, 1715
Nacionalidá	España
Muerte	1790 (74/75 años)
Estudios
Llingües falaes	castellanu
Oficiu	arquiteutu, escultor

José Bernardo de la Meana (1715, Uviéu – 1790) foi un escultor y arquiteutu asturianu.^[1] Representante del últimu barrocu español.^[2] La so vida tuvo dedicada, yá nos últimos cuarenta años de la so carrera artística, a la Catedral d'Uviéu exerciendo como Maestru Mayor de la mesma.

Biografía

José nació n'Uviéu y foi bautizáu na Ilesia de San Xuan el Real. Nun se sabe si tuvo formación na Real Academia de San Fernando de Madrid. Aunque se conoz que'l so primer mentor foi Toribio de Nava. Ye posible que demientres la estancia n'Uviéu de Pedro de Ribera, tuviera dalgún contautu artísticu con él (en 1739, cuando José tien la edá de venticuatro años). En los contratos realizaos, figura como escultor y arquiteutu. Como arquiteutu fai obres na torre de la catedral, o el enllosáu de la plazuela (del Palaciu). Como escultor realiza numberosos retablos y imáxenes, ente ellos el de la Capiella de los Dolores de Grau y el retablu de la Ilesia de Santu Domingo (Uviéu) d'Uviéu.

Referencies

↑ G Ramallo Asensio, (2011 ), José Bernardo de la Meana, escultor y arquitecto asturiano de la segunda mitad del siglo XVIII
↑ Bárbara García Menéndez, (2005), El escultor y académico Juan de Villanueva y Barbales (1681-1765) y su proyeición en Asturias: obras y discípulos, Universidá d'Uviéu, trabayu d'investigación pa la obtención del D.E.A.

Ver tamién

[1] G Ramallo Asensio, (2011 ), José Bernardo de la Meana, escultor y arquitecto asturiano de la segunda mitad del siglo XVIII

[2] Bárbara García Menéndez, (2005), El escultor y académico Juan de Villanueva y Barbales (1681-1765) y su proyeición en Asturias: obras y discípulos, Universidá d'Uviéu, trabayu d'investigación pa la obtención del D.E.A.

[1]

[2]