Francisco Bances Candamo

Francisco Bances Candamo (26 d'abril de 1662Avilés – 8 de setiembre de 1704Lezuza) foi un de los más destacaos escritores asturianos del sieglu d'Oru de la lliteratura n'español.

Francisco Bances Candamo
Vida
Nacimientu Avilés26 d'abril de 1662[1]
Nacionalidá España
Llingua materna Castellán mediu
Muerte Lezuza8 de setiembre de 1704[1] (42 años)
Estudios
Llingües falaes castellanu[2]
Oficiu dramaturguescritor
Xéneru artísticu teatru
Cambiar los datos en Wikidata

Biografía editar

D'orixe noble (el so bierzu yera'l monte asturianu), pero de familia probe (so pá yera un xastre probe que morrió cuando él tenía once meses), so ma unviólu con una hermana, tamién de curtia edá, al cuidáu d'un tíu materno que yera canónigu en Sevilla Antonio López-Candamo. La xoven Catalina profesó nun convento y so hermanu recibió órdenes menores de la carrera eclesiástica n'avientu de 1672, adquiriendo una sólida formación humanística; gradúase en Filosofía y Xurisprudencia, pa doutorase llueu en Cánones. A la muerte de so tíu treslladóse a Madrid, u ganó fama d'erudición y elocuencia; la so rellumante carrera teatral entamó en 1685 cola estrena de Por su rey y por su dama (Pol so rei y pola so dama); como al pocu tiempu morrió Antonio de Solís, foi nomáu col apoyu de la reina madre Doña Mariana d'Austria, dramaturgu de cámara rexa por Carlos II.

Un escuru asuntu nel que resultó firíu en pechu, según Ramón Mesonero Romanos, testimonia la fama qu'algamó: visitólu tola nobleza, inclusive'l propiu rei, qu'entrugó tolos díes pola so evolución, mandó-y a los sos ciruxanos, llegó a prohibir el pasu de carruaxes per delantre de so casa y mandó enllenar de sable l'empedráu pa que nengún ruiu-y molestare demientres ameyoraba. Dende entós escribió unes venti pieces pa representaciones palaciegues (Duelos de ingenio y fortuna, La restauración de Buda o Fieras de celos y amor). Otres comedias son El sastre del Campillo, La inclinación española, La Jarretiera de Inglaterra y El Austria en Xerusalén.

Les sos comedies más conocíes son, sicasí, trés representaes ente 1692 y 1693: La piedra filosofal, sobre la educación de príncipes y con una soterraña llectura sobre la perpolémica socesión del Fechizáu; Cómo se curan los celos y Orlando Furioso, que refunde una obra escrita pol propiu autor pa zarzuela con personaxes alegóricos y trata los mesmos temas de la anterior, y El esclavo en grillos de oro, escontra'l mal gobiernu del ministru de Carlos II, Oropesa; el rei apaez baxo la mázcara del emperador Traxanu) acarrexó-y grandes problemes pol so conteníu políticu, forciando'l so treslláu a Cabra, primeru, como alministrador de rentes reales, y llueu a Córdoba, Málaga y Jerez como visitador xeneral d'impuestos. Inclusive aportó a Ceuta p'abastecer de provisiones a la plaza que taba sitiada poles tropes del rei de Mequínez. Puo volver a Madrid en 1696. La so cabera representación conocida en Madrid ye ¿Cuál es el afecto mayor, lealtad, o sangre o amor? Cambises triunfante en Menfis en 1697. Depués percorrió Ocaña, Úbeda (1699), Baeza (1700) y San Clemente de Cuenca (1702) con otres comisiones de la Facienda pública. En setiembre de 1704 unviaron-y como xuez inquisidor a Lezuza, onde morrió poco depués de sópitu por una violenta malura que dellos camienten que foi envenenamientu. Conservase un retratu suyu pintáu en 1701 na Casa Conceyu d'Avilés.

Lliteratura editar

Bances escribió tamién una preceptiva teatral inacabada, Teatro de los teatros de los pasados y presentes siglos, que se conserva manuscrita. Nella destrema dos tipos de comedies principales: les "amatories" y les "historiales"; les amatories xébrense en "de capa y espada" y "de fábrica" por un lado, y "de santos" y "fábulas" (ello ye, fiestes de tema mitolóxicu y llexendario) per otru.

Propón como fundamentu del teatru áulicy un "dicir ensin dicir" pal que ye menester "gran arte":

Son les comedies de los reis unes histories vives que, ensin falar con ellos, han d'instruyi-yos con tal respeutu que seya la so mesma razón quien de lo que ve tome les alvertencies, y non l'inxeniu quien se les diga

Esti ye'l primer documentu nel qu'un dramaturgu europeu confiesa abiertamente qu'escribe obres d'intención política.

Obres editar

  • Poesías cómicas. Obras pósthumas de D. Francisco Banzes Candamo. Madrid: por Blas de Villanueva, a costa de Joseph Antonio Pimentel, 1722, 2 vols.
  • Obras lyricas de Don Francisco Antonio de Bances y Candamo que saca a la luz Julian del Río Marin Madrid: a costa de Francisco Martínez Abad, 1729.

Referencies editar

  1. 1,0 1,1 Afirmao en: SNAC. Identificador SNAC Ark: w6rb7w1z. Apaez como: Francisco Bances Candamo. Data de consulta: 9 ochobre 2017. Llingua de la obra o nome: inglés.
  2. Biblioteca Nacional de Francia. «autoridaes BNF» (francés). Consultáu'l 10 ochobre 2015.

Enllaces esternos editar