Pieris ergane
Pieris ergane, vulgarmente llamada 'blanca escasa' —pola so rareza n'España—, ye una caparina de tamañu medianu-pequeñu (machos y femes alredor de los 4 cm de valumbu), de color blancu con manches negres y aviesu con ales anteriores blanques y posteriores amarellentaes, con llixeru dimorfismu sexual. Pertenez a la familia Pieridae, y foi descrita por Hübner en 1758.
Pieris ergane  | ||
|---|---|---|
 | ||
| Clasificación científica | ||
| Reinu: | Animalia | |
| Filu: | Arthropoda | |
| Subfilu: | Hexapoda | |
| Clas: | Insecta | |
| Orde: | Lepidoptera | |
| Suborde: | Glossata | |
| Infraorde: | Heteroneura | |
| (ensin clasif.): | Ditrysia | |
| Superfamilia: | Papilionoidea | |
| Familia: | Pieridae | |
| Subfamilia: | Pierinae | |
| Tribu: | Pierini | |
| Xéneru: | Pieris | |
| Especie: |
P. ergane Geyer, 1828 | |
| Sinonimia | ||
Papilio ergane Geyer, 1828 | ||
| Consultes | ||
| [editar datos en Wikidata] | ||
El so epítetu xenéricu fai referencia a Pieria, llugar onde nacieron les muses y Orfeo, de la mitoloxía griega. L'específicu fai referencia a la diosa Atenea col so epítetu Ergané, ἐργάνη, proteutora de los artesanos.
Distribúise por Europa, Asia Menor, Bielorrusia y Rusia hasta Paquistán, n'altitúes ente los 1100 y 2300 m. El so estáu de caltenimientu xeneral nun reviste esmolición y nun s'atopa incluyida na Llista colorada de la UICN, nin nel Atles y llibru coloráu de los invertebraos amenaciaos d'España, sicasí ta clasificada como «rara» nel Llibru coloráu de los lepidópteros ibéricu y amenaciao en Francia según el Inventaire national du Patrimoine naturel.
Descripción
editarEl anverso o cara cimera de les ales ye blancu. L'aviesu ye de color blancu y mariellu pálido, ensin puntos negros.[1][2][3]
El anverso de les ales anteriores de los machos ye blancu col cantu blancu abuxada y una mancha apical gris. Na zona postdiscal apaez una mancha corita en E3 que puede faltar. Les ales posteriores son blanques con una mancha postdiscal negra en E7 tocando la mariña. L'aviesu alar ye blancu y mariellu pálido. Les anteriores son blanques, les posteriores son de tonu mariellu maciu con escames grises.[4]
Les ales de les femes son similares, con manches de mayor estensión. El anverso de les anteriores tien una zona basal más escura, con dos enllordies postdiscales corites en E1b y E3.
Como nel restu d'especies de la so familia, los imagos tienen la cabeza pequeña, con antenes en maza, y unos palpos bien desenvueltos. Los trés pares de pates son funcionales. Les sos ales anteriores formen un ángulu agudu na so base, ente que les posteriores, que tienen una superficie alar mayor, son arredondiaes. Son carauterísticos dos nervios añales nes ales posteriores.
Pol so aspeutu esterior o morfoloxía ye bien difícil estremala d'otres especies del mesmu xéneru como P. rapae o P. mannii, entá na mano, polo que ye necesariu realizar un estudiu de la genitalia pa confirmar la especie.
Bioloxía y distribución
editarYe una especie bivoltina con una primer xeneración que vuela en primavera y una segunda pel branu. Les sos plantes nutricies son les de la familia de les crucíferas, especialmente Isatis tinctoria y Aurinia saxatilis.
Especie d'ampliu rangu de distribución que toma dende la cuenca mediterránea europea, Asia Menor, hasta Paquistán, y Bielorrusia y Rusia occidental pel norte. N'España ye una especie raro y poco frecuente, con tres nucleos de población ensin coneutar y con pocos individuos ellí onde apaez. El so hábitat son zones montascoses bien calteníes, de solana, con terrenes probes, davezu caliares, volando sobre turries, pedregales, pacionales probes y caminos.
Referencies bibliográfiques
editar- ↑ (castellán) http://www.asturnatura.com/especie/pieris-ergane.html Pieris ergane
- ↑ (n'inglés) http://www.pyrgus.de/Pieris_ergane_en.html Pieris ergane
- ↑ (n'alemán) http://www.lepiforum.de/lepiwiki_vgl.pl?Pieris_Ergane Pieris ergane
- ↑ (n'inglés) http://lepidoptera.eu/show.php?ID=4979&country=ES Pieris ergane
Bibliografía
editar- Aguado Martín, L.O. (2007). Aguado Martín, L.O. (2007). Las mariposas diurnas de Castilla y León (Lepidópteros ropalóceros) Especies, biología, distribución y conservación. Junta de Castilla y León. ISBN 978-84-9718-473-1.
- Alvar Ezquerra, J. (2000). Alvar Ezquerra, J. (2000). Diccionario Espasa. Mitología universal.. Espasa. ISBN 84-239-9460-0.
- Manceñido González, D. C. y F. J. González-Estébanez (2013). Manceñido González, D. C. y F. J. González-Estébanez (2013). Las mariposas diurnas de la provincia de León. Manceñido y González-Estébanez Eds. ISBN 978-84-96872-37-0.
- Muséum national d'Histoire naturelle (2014). Muséum national d'Histoire naturelle (2014). «Pieris ergane INPN, MNHN» (francés). Inventaire national du Patrimoine naturel. Consultáu'l 26 de marzu de 2014.
- Savela, Markku (2011). Savela, Markku (2011). «Lepidoptera and some other life forms» (inglés). Consultáu'l 5 d'abril de 2012.
- Verdú, J. R., C. Numa y E. Galante (2011). Verdú, J. R., C. Numa y E. Galante (2011). Atlas y libro rojo de los invertebrados amenazados de España. (Especies vulnerables). Verdú, J. R., Numa, C. y Galante, E. (Eds) Direición General de Medio Natural y Política Forestal, Ministerio de Medio Ambiente, Medio rural y Marino.
| Wikispecies tien un artículu sobre Pieris ergane. |
Datos: Q1308832
Multimedia: Pieris ergane
Especies: Pieris ergane
