Ponte a prueba

Ponte a prueba
Datos
País d'orixe	España
Varios

Ponte A Prueba ye un programa radiofónicu español producíu por Mediens S. L., dirixíu a un públicu oxetivu d'ente 9 y 53 años que s'emite na emisora musical Europa FM dende setiembre de 2006. El so horariu ye de 11:00PM a 1:00 AM de llunes a vienres, y los domingos en mesmu horariu emítese una escoyeta de los meyores momentos de la selmana. Ye un programa de participación del oyente onde dan sonadía a temes como'l sexu, l'amistá, les rellaciones, papaelamericano, ashosha ya inclusive fenómenos paranormales como l'habitación 712, dende un puntu de vista gayoleru y risonderu. Combínense les intervenciones en direutu colos ésitos musicales del momentu. El programa ta presentáu y empobináu anguaño por Oriol Sàbat y como collaboradores tán Daniela Blume, Victor Cortés, Laura Manzanedo y Venus . Na primer edición l'equipu taba compuestu por Josep Lobató, Oriol Sàbat y Agnès Tejada, más conocida como Venus. Na segunda temporada los presentadores y collaboradores yeren Josep Lobató, Oriol Sàbat, Patricia López y Daniela Blume. Y na tercer temporada, Oriol Sàbat, Victor Cortés y Daniela Blume fueron los encargaos de dirixir el programa la gran parte de la temporada. Amás, el 12 de xineru del 2009, Laura Manzanedo (conocida como "L.M." nel programa) incorporóse, y en febreru del mesmu añu Venus tornó al programa.

Historia

Col precedente d'un notable ésitu na emisora local catalunya Ràdio Flaixbac dende'l 2003 mientres tres temporaes con esti formatu, pero sol nome Prohibit Als Pares, Europa FM decide incorporar a la so plantía al equipu de Ponte A Prueba pa llevar l'esitosu productu a nivel nacional de manes del so creador Josep Lobató, xunto col equipu orixinal,(anque cuando Prohibit als pares, pasó a ser Ponte a prueba, en Ràdio Flaixbac, siguíen emitiendolu).

Según la folada del Estudiu Xeneral de Medios mientres la primer temporada, el programa tenía una audiencia media de 120.000 oyentes. Na actualidá triplicóse, actualmente óyenlu de 12 a 15 millones de persones en toa españa y restu del muundo per internet, per radio online.

L'eslogan de "Ponte A Prueba" ye: "L'únicu programa que nun s'atreven a faer les otres emisores". Con esi eslogan empecipiaron, y con esi lema caltienen el so ésitu una y bones nenguna emisora creó programes asemeyaos.

En 2007 "Ponte A Prueba" foi reconocíu col Premiu Ondas al Meyor Programa de la Radio Española na edición nº54 d'estos prestixosos gallardones de la comunicación.

Cada añu realiza un tour, esti tour ye cenciellamente percorrer parte de la xeografía española pa realizar programes en direutu en distintes sales o discoteques, llogrando una gran arribación de públicu.

Mientres la tercer temporada del programa, Daniela Blume colóse unos meses a participar nun programa de televisión, "Sobrevivientes 2009". Tres el pasu de Daniela per televisión, el programa ganó entá más prestíu y fama.

Equipu

Llocución: Oriol Sàbat, Victor Cortés, Daniela Blume, Laura Manzanedo y Venus.
Producción: Valentina Aragón, Kike Belmonte, Carlos Aranda y Alberto García.

Bibliografía

"Ponte A Prueba, El Libro" (2007) Ediciones del Bronce - Planeta - #1 Top Libros España.
"Posa't A Prova" (2007) Edicions Columna - Planeta.
"Ponte A Prueba, Confidencial" (2007) Ediciones del Bronce - Planeta.
"Ponte A Prueba 2" (2008) Ediciones del Bronce - Planeta.
"El manual de Ponte a Prueba" (2009) Ediciones B, S.A.

Referencies

Enllaces esternos

Páxina oficial del programa Archiváu 2010-02-12 en Wayback Machine
Foru oficial del programa (enllaz rotu disponible n'Internet Archive; ver l'historial y la última versión).
Blogue oficial del programa Archiváu 2011-06-12 en Wayback Machine
Web de la emisora Europa FM
Comunidá del programa