TG4 ye una canal de televisión n'irlandés. Empezó les sos emisiones el 31 d'ochobre de 1996 como Teilifís na Gaeilge (TnaG). Anque dende un principiu dependía de Raidió Teilifís Éireann (RTÉ), nel 2007 separóse dafechu y convirtióse nuna corporación colos sos propios estatutos y direición. Amás, nesi mesmu añu, entró na Xunión Europea de Radiodifusión y nel 2010 foi miembru fundador de l'Asociación Mundial de Radiotelevisiones Indíxenes, a la qu'actualmente pertenecen diez empreses.

TG4
cadena de televisión
Llocalización
Sede Dublín
Direición República d'Irlanda
Historia
Fundación31 ochobre 1996
Organigrama
Dueñu Teilifís na Gaeilge (en) Traducir
Forma parte de
Web oficial
Cambiar los datos en Wikidata

La canal pue sintonizase en tola isla d'Irlanda y ta dirixida por un Conseyu que tien que cuidar pa que la emisora cumpla col serviciu públicu y cola defensa del idioma gaélicu. Amás d'esta cadena, la compañía cuenta actualmente con Cula 4, una canal infantil; y TG4 HD, coles principales retresmisiones de TG4 n'alta definición. Amás, preparen la puesta en marcha de TG4 + 1.

L'irlandés na televisión editar

La televisión estatal irlandesa (RTÉ) empezó a emitir el 31 d'avientu e 1961, anque los espacios en gaélicu yeren minoritarios na programación. El nacimientu de RTÉ2 tamién supunxo la medría de los programes en gaélicu, con infantiles, informativos y espacios en prime-time. Sicasí, nun suponíen más del 5% de la emisión total. Too esto fizo que, a principios de 1980, l'asociación Coiste ar son Teilifis Gaeltachta (Comité pa una Televisión n'Irlandés) encalzara una reivindicación por un serviciu públicu de televisión nesti idioma.

A finales de los ochenta, el Gobiernu irlandés comprometióse a crear la canal, pero dellos retrasos, cambios de gobiernos y problemes presupuestarios retrasaron la primer emisión hasta ochobre de 1996. Nos primeros tiempos, TG4 emitía ente les 20:00 y les 22:30 hores, amás d'un bloque infantil ente les 17:00 y les 18:00 hores. Actualmente emite unes siete hores y inclúi dellos productos de ficción n'inglés y la programación informativa en francés de France 24 na madrugada. Otra manera, la mayoría de los programes que nun s’emiten en direuto tienen subtítulos n'inglés.

Referencies editar


Enllaces esternos editar