Xeógrafu

Un xeógrafu ye un científicu ya investigador que'l so campu d'estudiu ye la Xeografía, l'estudiu de les actividaes ya interrellaciones humanes na superficie terrestre y de la so composición física.

Anque históricamente considérase a los xeógrafos como aquelles persones que faen mapes, esto ye realmente un campu d'estudiu de la cartografía, un subconxuntu de la xeografía. El xeógrafu ye capaz d'estudiar non yá los detalles xeográficos de manera rexonal o sistemática, sinón amás l'impautu del ser humanu nel mediu ambiente y la influyencia de la xeografía na vida y actividaes humanes y biolóxiques.

El so oxetu principal d'estudiu ye l'espaciu xeográficu, consideráu como una construcción social. Ye dicir creáu a partir de la interrellación del ser humanu nun determináu territoriu a lo llargo de la historia.

Les habilidaes riquíes pa convertise nun xeógrafu provienen de les ciencies xeográfiques, pero tamién tán influyíes poles ciencies sociales y les ciencies biolóxiques. El xeógrafu modernu na sociedá contemporánea céntrase principalmente na resolución de problemes como l'impautu ambiental, el planiamientu urbanísticu, prevención de riesgos naturales, y los riesgos de la ordenación del territoriu y el desenvolvimientu llocal sustentable-sostenible ente otres actividaes.

Asina mesmu, na actualidá munchos xeógrafos son principalmente profesionales nel usu de los Sistemes d'Información Xeográfica (SIG) y la cartografía, tando de cutiu emplegaos n'alministraciones públiques según nel sector priváu n'empreses consultoras.

En dellos países la denominación xeógrafu, suelse estender a los estudiantes de Xeografía, tamién esto queda a criteriu de los profesionales y/o profesores de como decidan llamalos, amosando una flexibilidá nos términos na actualidá.^{[ensin referencies]}

Amás usen como fontes secundaries mapes de distintos partes del mundu o un plasniferio.

Referencies

Enllaces esternos

Colexu de Xeógrafos. España.