Diferencies ente revisiones de «María Balbín de Rodríguez»

Dende bien nuevu amosó un acusáu interés escontra toles parceles humanístiques, anque l'escasez de bienes de la so familia torgo-y recibir, nun primer momentu, una educación curioso. Sicasí, la so firmeza y tesón nel enfotu de formase como educadora viéronse compensaos pola imprevista ayuda qu'empezó a unvia-y dende tierres americanes (Cuba) un hermanu mayor (Urbano), arriquecíu na so aventura indiana. Con esti dineru consiguió la moza María Balbín rematar los sos estudios cimeros de Maxisteriu na ciudá d'Uviéu, de mano darréu a exercer la docencia en numberosos pueblos del so Asturies natal.

 

 

A estes actividaes docentes, lliteraries y periodístiques vieno sumase la so condición d'amena y falanciosa conferenciante, que la llevó per distintes tribunes asturianes pa disertar alrodiu de les sos temes predileutos: la educación, el feminismu y el bable. Entós daquella, María Balbín yá contraxera matrimoniu con don Enrique Rodríguez González, un profesor de Belles Artes del que la nueva escritora tomó'l primer apellíu pa añedir al so nome de soltera y roblar los sos escritos como María Balbín de Rodríguez. Convien destacar l'importante papel desempeñáu pol profesor Rodríguez González nel desenvolvimientu de la trayectoria lliteraria de María Balbín dende'l mesmu momentu de la so boda (celebrada en 1911), cuidao que, llueñe de lo que solía ser habitual ente los homes de la so dómina, non yá nun s'opunxo a que la so brillosa esposa siguiera escribiendo, sinón qu'inclusive la sofitó y animó en toles sos actividaes intelectuales. Tantu foi asina, que la escritora asturiana pudo desendolcar la so carrera docente, lliteraria y periodística a pesar de ser madre de cuatro fiyos.

Foi una muyer d'una amplia cultura, y con aficiones pictóriques y musicales. La relación más clara que se-y conoz colos intelectuales de la dómina venceyala al matrimoniu formáu por Mercés Valero y Constantino Cabal. Les collaboraciones de María Balbín nel  diariu Rexón correspuéndense xustamente cola dómina que foi direutor Cabal, y Mercés Valero responsable de la sección de Sociedá. Sábese que se teníen una y otra amistá y almiración, y puede ser que tamién coincidieren claramente en delles actividaes culturales: les dos escribieron de temática relixosa, y hai noticies de dambes tuvieron dalguna manifestación pública en favor de la igualdá de los derechos de la muyer: María Balbín, como conferenciante na Escuela de Maxisteriu, trató temes rellacionaes col feminismu <ref> PÉREZ-MANSU, Elvira María. Escritoras asturianas del siglo XX: ''entre el compromiso y la tradición'' (Oviedo: Servicio de Publicaciones del Principado de Asturias, 1991)</ref>. Magar que vivió tiempos políticos  bien distintos y magar la solmenada vida social de l'Asturies del sieglu XX, nun se-y conocen manifestaciones al respective, nin enclín nengunu.

 

 

 

 

 

 

== Obra. ==