Diferencies ente revisiones de «Presión de vapor»

Contenido eliminado Contenido añadido
Esbardu (alderique | contribuciones)
mSin resumen de edición
Eliminando'l conteníu de la páxina
Llinia 1:
La '''presión de vapor''' o tamién nomada '''presión de saturación''' ye la [[presión]] exercida pol [[vapor]] d'una sustancia [[llíquida|llíquidu]] o [[sólida|sólidu]] nun finxu zarráu. Normalmente'l términu refierse a la situación d'equilibriu.
 
El valor de la presión de vapor crez cola [[temperatura]], y el so valor ye independiente de les cantidaes de llíquidu/sólidu y vapor presentes mentes esistan entrambes. Na situación d'equilibriu les fases reciben la denomación de '''lliquidu saturao''' y '''vapor saturao'''.
 
Un términu rellacionáu ye la [[presión parcial]], aplicable cuando, dientro'l recipiente zarráu, tenemos más d'una sustancia [[volátil]].
 
==Llíquidos==
Cuando la presión parcial d'ún de los llíquidos del recipiente equival a la presión de saturación, el llíquidu y el vapor tán n'equilibriu. Si esfrecemos el recipiente, parte del vapor va [[condensación|condensase]] en llíquidu, hasta algamar una nueva situación d'equilibriu, con una presión de vapor inferior. Si calecemos el recipiente, parte del llíquidu va [[evaporación|evaporase]] pa convertise en vapor, aumentando la presión de vapor.
 
El [[puntu d'ebullición]] d'una sustancia ye la [[temperatura]] a la que la presión de vapor d'esta sustancia llíquida ye igual a la [[presión]] ambiental. Por exemplu, a la presión d'una [[atmósfera (unidá)|atm]] y a 100[[grau Celsius|ºC]], l'[[agua]] tien una presión de vapor d'una [[atmósfera (unidá)|atm]], y eso fai que l'agua fierva y s'evapore entero.
 
Los procesos de condensación y evaporación puen ser retardaos, casos nel qu'usamos los términos de [[sobresaturación]] y [[sobrecelimientu]] respeutivamente.
 
==Sólidos==
Cuando la presión parcial d'ún de los sólidos del recipiente equival a la presión de vapor d'un sólidu, ésti y el vapor tán n'equilibriu. Si esfrecemos el recipiente, parte del vapor va [[condensación|condensase]] en sólidu, hasta algamar una nueva situación d'equilibriu, con una presión de vapor inferior. Si calecemos el recipiente, parte del sólidu va [[sublimación|sublimase]] pa convertise en vapor, aumentando la presión de vapor.
 
El [[puntu de sublimación]] d'una sustancia ye la [[temperatura]] a la que la presión de vapor d'esta sustancia sólida ye igual a la [[presión]] ambiental.
 
==Desplicación del fenómenu==
Pongamos un exemplu de cómo funciona la presión de vapor en llíquidos (pa sólidos ye totalmente equivalente).
 
Vamos maxinar un recipiente de [[vidriu]] nel que se fexo'l vaciu y que se caltién a una [[temperatura]] constante; si metemos dientro della cantidá de llíquidu, ésti va evaporase rápidamente hasta qu'algama l'equilibriu ente les dos fases.
 
Les molécules de la superficie del llíquidu que tengan una mayor [[enerxía]] van escapar de la superficie pasando a la fase de vapor ([[evaporación]]) mentes que les molécules del vapor van chocar escontra les parés del recipiente y ente sigo, perdiendo enerxía y tresformándose en llíquidu ([[condensación]]).
 
Inicialmente namái se produz la evaporación yá que nun hai vapor. Sicasí, según la cantidá de vapor aumenta, y por tanto la presión nel interior del recipiente, va incrementándose la velocidá de condensación, hasta que trescurríu dél tiempu dambes velocidaes s'iguales. Llegaos a esti puntu tendráse consiguío la presión másima posible nel recipiente (''presión de vapor'' o ''presión de saturación'') que nun va poder superase a nun ser que s'incremente la temperatura.
 
L'equilibriu va consiguise más rápido cuanto mayor seya la superficie de contautu ente'l llíquidu y el vapor, porque d'esta miente favorezse la evaporación del llíquidu, de la mesma manera qu'un charcu d'agua estensu pero poco profundu ensucha más rápido qu'ún cola mesma cantidá d'agua pero más pequeñu y de mayor fondura. Sicasí, l'equilibriu consíguese n'entrambos casos a la mesma presión de vapor.
 
El fautor más importante que determina'l valor de la presión de saturación ye la propia natura del llíquidiu, viendo qu'en xenera, ente llíquidos de natura asemeyao, la presión de vapor a una temperatura determinada ye más pequeña cuanto mayor ye'l [[pesu molecular]] del llíquidu.
 
==Agua==
El [[puntu d'ebullición]] del agua a presiones d'unos 100 [[Pascal (unidá)|kPa]] pue ser aprosimada con:
 
<math>T_v = 100 + 0.0002772 \cdot (p - 101000) - 1.24 \cdot 10^{-9} \cdot (p - 101000)^2</math>
 
Onde la temperatura ''T<sub>v</sub>'' ta en graos [[grau Celsius|Celsius]] y la presión ''p'' en [[Pascal (unidá)|Pascales]]. El valor de la presión de vapor obtiénse despexando la ''p'' d'esta ecuación.
 
La [[llei de Raoult]] describe aprosimadamente la presión de vapor d'amestadures de llíquidos.
 
==Ver tamién==
*[[Humedanza rellativo]]
*[[Humedanza absoluto]]
 
[[Categoría: Física]]
 
[[af:Dampdruk]]
[[ca:Pressió de vapor]]
[[de:Dampfdruck]]
[[en:Vapor pressure]]
[[es:Presión de vapor]]
[[fi:Höyrynpaine]]
[[fr:Pression de vapeur]]
[[he:לחץ אדים]]
[[is:Gufuþrýstingur]]
[[it:Pressione di vapore]]
[[ja:蒸気圧]]
[[ko:증기압]]
[[nl:Dampdruk]]
[[no:Damptrykk]]
[[pl:Ciśnienie pary nasyconej]]
[[pt:Pressão de vapor]]
[[sh:Napon pare]]
[[sr:Напон паре]]
[[sv:Ångtryck]]
[[th:ความดันไอ]]