Tigranes espulsó a munchos habitantes de los sos llares p'aumentar la población de la ciudá.<ref>Historia Romana de Dion Casio Rome, Volume 5, Llibros 61-76 (A.D. 54-211)</ref> Naquel tiempu Armenia estendiérase hasta'l [[Mar Caspiu|marMar CaspioCaspiu]] pel este, escontra [[Capadocia]] central pel oeste, y escontra [[Xudea]] pel sur, llegando a rexones tan alloñaes como'l llugar nel que na actualidá s'atopa'l [[Krak des Chevaliers]]. Un [[Antigua Roma|exércitu romanu]] empobináu por [[Luciu Liciniu Lúculu]] ganó a Tigranes na [[batalla de Tigranocerta]] nes proximidaes de la ciudá nel añu 69 enantes de nuesa yera, dempués d'ello saquió la ciudá unviando a los sos habitantes de vuelta a los sos llugares d'orixe. Mientres les conquistes orientales de [[Cnéu Pompeyu Magnu|Pompeyu'l Grande]], Tigranocerta foi prindada de nuevu anque por poco tiempu por Roma, que la volvió a perder cuando foi devuelta a Tigranes el Grande en cuenta de una indemnización de 6.000 talentos. Roma volvió tomar la ciudá cuando [[Gneo Domicio Corbulón|Corbulón]], mandáu a la cabeza d'una lexón romana, ganó a Tiridates mientres la rebelión armenia del añu 64 d.C. Mientres el periodu otomanu, los armenios que vivíen en [[Diyarbekir]] denomaben a la so ciudá "Dikranagerd" y el xentiliciu qu'usaben pa sigo mesmos yera "Dikranagerdtsi". En realidá entá s'alderica l'allugamientu de l'antigua Tigranocerta, pero nun ye probable que tuviera en Diyarbekir, una ciudá que na Antigüedá foi conocida como Amida.
