Diferencies ente revisiones de «Chechu García»
Páxina nueva: '''Chechu García''' ye natural de L'Entregu, Samartín del Rei Aurelio, onde naciera nel añu 1970. Ye llicenciáu en Bioloxía pola Universidá d’Uviéu y diose a conoce... |
(Nun hai diferencies)
|
Revisión a fecha de 12:32 7 xin 2007
Chechu García ye natural de L'Entregu, Samartín del Rei Aurelio, onde naciera nel añu 1970.
Ye llicenciáu en Bioloxía pola Universidá d’Uviéu y diose a conocer col llibru infantil Vieyu trasgu, col qu´algamara´l nel añu 1995 el primer premiu del Concursu “Llectures pa Rapazos” de l’Academia de la Llingua Asturiana. En 1996 gana’l Premiu “Teodoro Cuesta” de Poesía col llibru Fumu coles manes, escritu a medies con Martín López–Vega y publicáu tres años dempués.
El so segundu poemariu espublizáu ye Teseles, mosaicu de poemes que representa la vida d´un home qu´observa, reflexona y canta a la vida. Ta dividíu en cinco partes. Como dramaturgu consiguió´l Premiu de Teatru de la Academia de la Llingua Asturiana cola obra Gasolina con capuyos, fecha en collaboración con Roberto Corte.
Chechu García ye tamién autor de dellos poemes y relatos publicaos en delles revistes lliteraries (Lletres asturianes, Sietestrellu, etc.)