Diferencies ente revisiones de «Xuan Santori»
(Nun hai diferencies)
|
Revisión a fecha de 12:42 7 xin 2007
Xuan Santori nació n'Uviéu en 1968. Llicenciáu en Filoxía Inglesa, diose a conocer col poemariu Zunes.
En 1999 ganó´l Premiu “Teodoro Cuesta” de Poesía col llibru Los inconvenientes de la especie, obra na que s´aprecien les influencies de la llírica europea de güei.
El so tercer poemariu foi Bis a bis, onde fala d´amor, d´alcuentros y desalcuentros.
Del 2006 ye la so primera obra narrativa, La heredá. Tamién tien publicada la traducción de Poesía épica anglosaxona (1999) y el llibru Milenta voces (2006) nel que l´autor fai un repás de la construcción del estándar normativu del asturianu al traviés de les voces mas importantes de la lliteratura asturiana del Surdimientu.
Anguaño ye collaborador de Les Noticies y trabaya como filólogu na Oficina de Política Llingüística del Principáu d'Asturies.