Diferencies ente revisiones de «Clasificación climática de Köppen»
Contenido eliminado Contenido añadido
Llinia 250:
==== Climes oceánicos ====
Los climes oceánicos templaos (''Cfb'') apaecen habitualmente nes llatitúes medies (ente los 40º y los 60º) de la fastera occidental de los continentes. Xeneralmente sitúense inmediatamente más al norte o al sur (depende del hemisferiu) de los climes mediterráneos, anque n'Australia y l'estremu d'África del Sur son contiguos a climes templaos, y apaecen a llatitúes menores. Pol contrariu, n'Europa occidental apaez n'árees costeres más septentrionales, concretamente hasta los 63ºN de llatitú, en [[Noruega]].
Estos climes tán dominaos tol añu pol frente polar, y eso provoca tiempu variable y mui nubláu. Los branos son frescos pola acción de les corrientes oceániques fríes, pero a pesar de l'abondancia de nubes, los iviernos son más suaves que notros climes qu'apaecen nes mesmes llatitúes. Tamién alcontramos climes ''Cfb'' en puntos concretos, a gran altitú, de zones tropicales subtropicales, nes que habría un clima tropical de la selva si nun fora pola altitú.
Ente los llugares nos qu'alcontramos clima oceánicu templáu (''Cfb'') tenemos: [[París]] y [[Burdeos]] (Francia), [[Copenhague]] ([[Dinamarca]]), [[Berlín]] y [[Munich]] ([[Alemaña]]), [[Londres]] ([[Reinu Xuníu]]), [[Bilbao]] (España), [[Budapest]] ([[Hungría]]), [[Wellington]] y [[Auckland]] ([[Nueva Zelanda]]), [[Melbourne]] (Australia), [[Port Elizabeth]] (República Sudafricana), [[Mar del Plata]] (Arxentina) y [[Valdivia]] (Chile).
El clima oceánicu subpolar (''Cfc'') apaez más en dirección al polu (o a altitúes mayores) que los climes templaos marítimos, y tán confinaos a faces costeres estreches de les márxenes occidentales más averaes al polu de los continentes y, especialmente nel Hemisferiu Norte, nes islles que hai frente a eses costes. Apaez en dambos hemisferios, xeneralmente ente les llatitúes 60º y 70º norte y sur<ref name=McKnight />. Hai un clima oceánicu subpolar en [[Reikiavik]] ([[Islandia]]), [[Punta Arenas]] (Chile) o Unalaska (EEXX).
=== Grupu D: Climes continentales ===
==Mapas climáticos Köppen rexonales==
| |||