Diferencies ente revisiones de «Bos mutus»

Los yaks fueron adomaos dende fai 3000 años. El yac domésticu tien un altor hasta la cruz de 140 centímetros pa un pesu de 700 kilogramos, pueden cruciase coles [[vaca|vaces]]s doméstiques y xenerar individuos fértiles produciendo más lleche y de mayor conteníu graso. Ello ye que a esta característica débense gran parte de les diferencies ente los yaks selvaxes y los domésticos. Estos postreros son abondo más pequenos que los sos antepasaos monteses, tienen cuernos más curtios ya inclusive munchos yaks domésticos escarecen d'ellos y el color del pelo puede ser negru, pardu, castañal, ablancazáu ya inclusive enllordiáu de dellos colores. El yac ye criáu como animal domésticu de les zones fríes n'estenses rexones de [[Asia]], tomando dende [[Afganistán]] y [[Bujará]] hasta [[Mongolia]] y norte de [[China]]. En feches relativamente recién importáronse yaks nel sur de [[Groenlandia]], siendo l'únicu animal domésticu del so tamañu que llogró aclimatase a la perfección na isla.

El yac tosquílase una vegada al añu, siendo la [[llana]] de los animales adultos un tanto aspra y llarga, pero dexa ellaborar perfectamente con ella [[Frazada|cobertores]], [[cuerda|cuerdes]]s y otros oxetos. Los escrementos secos son utilizaos como combustible, bien apreciáu nes zones de la so patria probes en maderes, el yac ye un animal bien apreciáu por ello nel [[Tíbet]], onde les families afaten a los sos animales con cintes tantu pa estremalos de los demás como por simples motivos estéticos.