Diferencies ente revisiones de «Imperiu romanu»

Tres de la muerte de [[Teodosiu I]] en [[395]] l'imperiu pasó a tar permanentemente dividido ente un imperiu occidental y otru oriental. La situación na metá occidental foi empeorando gradualmente por una combinación de factores: abusu del poder imperial, guerres civiles, migraciones ya invasiones bárbares, reformes militares y depresión económica. El saquéu de Roma en [[410]] polos [[visigodos]], y lluéu en [[455]] polos [[vándalos]], aceleró la decayencia del imperiu occidental. La deposición del emperador [[Rómulu Augustu|Rómulu Augústulu]] pol caudillu [[Odoacru]] en [[476]] aveza a considerase como la fecha de la cayida definitiva del imperiu occidental. Sicasí, l'emperador oriental inxamás reconociera a Rómulu Augústulu, y oficialmente el gobiernu separtáu de la metá occidental del imperiu namái desapareció tres de la muerte de [[Xuliu Nepote]], en [[480]]. L'Imperiu romanu d'Oriente (conocíu na historiografía moderna como [[Imperiu bizantinu]]) siguió esistiendo otru mileniu más, a lo primero en llucha pola supremacía na rexón col imperiu sasánida, y dempués viendo como'l so territoriu diba siendo conquistáu a poco y a poco pol imperiu otomanu, que-y punxo fin cola conquista de Constantinopla en 1453.