Diferencies ente revisiones de «El Líbanu»

m
Bot: Orotografía habitual na wiki
m (H.oquei => Ḥoquei)
m (Bot: Orotografía habitual na wiki)
En 1975 empezó la guerra civil libanesa ente les comunidaes cristiana maronita y musulmana, al atacar fuerces falanxistes cristianes a les guerrilles palestines de la OLP. En 1976, tres la medría de les matances (de palestinos per parte de fuerces cristianes en Karantina y Tel el-Za'arreyar, y de cristianos per parte de fuerces palestines en Damour), l'exércitu siriu, convidáu pol presidente libanés Suleiman Franjieh, ocupó tol país salvu l'estremu sur. L'exércitu israelín ocupó'l sur d'El Líbanu en 1978 como respuesta a la muerte de civiles israelinos por ataques de la OLP. El mesmu añu les Naciones Xuníes unviaron una fuerza multinacional, la (FINUL), al sur d'El Líbanu; l'exércitu siriu bombardeó el sector cristianu de Beirut (Beirut Este). En 1980 y 1981 amontáronse los choques ente les fuerces israelines, milicies libaneses sofitaes por Israel y la OLP nel sur del país.
 
En 1982 Israel invadió'l sur d'El Líbanu cola sida d'espulsar les guerrilles de la OLP, dirixíes por Yaser Arafat, atacando a les fuerces siries nel valle de la Bekaa y asediando el sector musulmán de Beirut (Beirut Oeste); fuerces norteamericanes, franceses ya italianes fueron aparcaes na capital p'ayudar na evacuación d'unos 11000 miembros de la OLP; tres la salida de les tropes internacionales de Beirut, l'exércitu israelín ocupó'l sector musulmán de la ciudá (Beirut Oeste) y los israelinos dexaron la entrada de fuerces falanxistes cristianes que cometieron les masacres de los campos de refuxaos palestinos de Sabra y Chatila (Beirut), lo que fuerza la retirada israelina de Beirut Oeste y la vuelta de les fuerces estaunidensesestauxunidenses, franceses ya italianes. En mayu de 1983, Israel y El Líbanu algamaron un alcuerdu pa retirar les tropes israelines. Finalmente, en mayu de 2000, Israel retiró por decisión unillateral toles sos tropes del sur d'El Líbanu confiando que FINUL evitaría futuros ataques de Hezbolá contra'l so territoriu.
 
El gobiernu libanés nun llogró faer cumplir el resolvimientu 1559 de Conseyu de Seguridá de la ONX qu'obligaba a desarmar a les milicies armaes libaneses y tomar el control de la so frontera sur, controlada por Hezbolá pa protexer la frontera con Israel. En xunetu de 2006, tres una incursión fronteriza de Hezbolá en territoriu israelín que se saldó cola muerte d'ocho soldaos israelinos y la captura de dos, produzse la crisis israelo-llibanesa de 2006 col bombardéu de gran parte de la infraestructura del país destruyendo gran parte d'ella y una respuesta armada de Hezbolá con armes provistes per Irán y Siria sobre les ciudaes del norte d'Israel, dexando patente una vegada más la inxerencia de fuerces militares estranxeres nos asuntos internos libaneses.
306 348

ediciones