Diferencies ente revisiones de «Festival de Cine Asturianu»

ensin resume d'edición
El Festival de Cine Asturianu nació'l 27 d'abril del añu 2005 nel auditoriu del Atenéu de Madrid de la mano d'un garrapiellu d'asturianos en Madrid cola idea de celebrar el Centenariu del Cine Asturianu. El facedor d'esta idea y director del nuevu Festival, [[Xaviel Vilareyo]], axuntó naquella ocasión a figures tan relevantes como Gil Parrondo Rico, Paz Pondal, Xuan Gona, Pedro María Sánchez, Paul Naschy y Asunción Balaguer Golobart, ente otres personalidaes como Miguel Losada, Xosé Bolado, David Reznak o Angel Guinda pa celebrar el nacimientu d'esti nuevu Festival de Cine. Los triunfadores d'esti primer festival fueron los asturianos Teresa Marcos y Sergio G. Sánchez colos trabayos Llencería d'ocasión y 7337.
 
Les bases del Festival de Cine Asturianu almiten trabayos en dos categoríes principales: Obres en llingua asturiana y obres asturianes en cualesquier otra llingua. Al Concursu pueden presentase Llargumetraxes, Curtiumetraxes, Mediumetraxes, o Documentales en cualesquier formatu y duración, preferiblemente DVD, siempre que tean realizaos en llingua asturiana, tamién puen presentase obres feches por realizadores asturianos o rodaes básicamente n’Asturies o nos territorios del dominiu llingüísticu del asturianu en cualesquier llingua y en cualesquier añu de realización. Cada autor o autores puede presentar una o varies obres amestando una ficha técnico-artística na que puen apaecer los datos siguientes: títulu y duración de la obra, autor o autores, añu de producción, resume de la obra, teléfonu ya corréu-electrónicu de contactu, amás d’otros que los autores consideren d’interés pa la obra. Tamién pueden amestar un currículu cinematográficu del autor con llugar y fecha de nacencia y premios recibíos. El festival de Cine Asturianu celebra añalmente unes Gales d'entrega de premios que se conocen como los Fruteros de Cristal, n'homenaxe a la primer película asturiana de 1905, El robu de fruta, dirixida por Javier Sánchez Manteola.
Usuariu anónimu