Diferencies ente revisiones de «Xaime I d'Aragón»

Tradicionalmente consideróse que foi'l deséu de Violante de consiguir bonos heriedos pa los sos fíos el motivu pol que Xaime I dio en la partición de los sos reinos. Sicasí, paez tener más sentíu la concepción patrimonial de los reinos que tenía'l rei. Asina, fixo una primer repartida nel so testamentu de 1241. Según esti testamentu, el primoxénitu Alfonso heredaría Aragón y los condaos catalanes, y Pedro, fíu de Violante, Valencia, les islesislles Baleares, el Rosellón, la Cerdaña y les posesiones occitanes. Dos años dempués, un nuevu testamentu introduz al so tercer fíu na repartida. Los condaos catalanes pasen d'Alfonso a Pedro, que dexa les isla Baleares, Rosellón, Cerdaña y les posesiones occitanes a Jaime. Nuevu testamentu en 1248, incluyendo na repartida al nuevu fíu, Fernando. A la muerte d'Alfonso (1260), otorgó nuevu testamentu (1262), que daría la configuración definitiva del heriedu.