Diferencies ente revisiones de «Ludwig van Beethoven»

=== Problemes económicos ===

 

 

Beethoven entablara contautu col inventor [[Johann Mäzel]], que-y construyó dellos preseos p'ayudalu coles sos dificultaes auditives, como cornetes acústiques o un sistema pa escuchar el pianu. La so obra orquestal ''[[La victoria de Wellington]]'' compúsose en [[1813]] pa ser interpretada con un [[panarmónicu]], otru de los inventos de Mäzel. Esta obra yera un homenaxe a la victoria sobre los exércitos napoleónicos na [[Batalla de Vitoria]] por parte del [[Arthur Wellesley|Duque de Wellington]] y algamó gran popularidá, arriendes de volver verdaderamente famosu al compositor, lo que-y procuró grandes ingresos. Sicasí, él mesmu calificó como «basoria» (daqué que nun dixo de nenguna otra obra so) y güei ta dafechu escaecida. L'inventu de Mäzel que más impresionó al compositor foi'l [[metrónomu]], y escribió cartes d'encamientu a editores y empezó a facer anotaciones nes [[partitura|partitures]] colos tiempos del metrónomu pa que les sos obres s'interpretasen al ''tempo'' qu'él concibiera. Nesa dómina empezaron los problemes económicos del compositor, yá que ún de los sos mecenes, el príncipe Lobkowitz, sufrió una [[quiebra]] económica y el príncipe Kinsky finó al cayer del so caballu, tres de lo que los sos herederos decidieron nun pagar les obligaciones financieres que'l príncipe contraxera col músicu.<ref name="biografía"/>